(vovworld) – ຕອນຄໍ່າວັນທີ 26/1, ຢູ່ນະຄອນຫຼວງວຽງຈັນ, ສາຖານທູດ ຫວຽດນາມ ປະຈຳ ລາວ ຈັດຕັ້ງງານລາຕີຕ້ອນຮັບບຸນປີໃໝ່ປີມະເມຍ 2014. ທ່ານເອກອັກຄະລັດຖະທູດ ຫວຽດນາມ ຫງວຽນແມ້ງຮູ່ງ ໄດ້ທົບທວນຄືນບາງຈຸດພົ້ນເດັ່ນກ່ຽວກັບເສດຖະກິດ - ສັງຄົມ ຫວຽດນາມໃນປີ 2013, ໂດຍຊີ້ແຈ້ງວ່າພື້ນຖານເສດຖະກິດໄດ້ຜ່ານຜ່າໄລຍະທີ່ຫຍູ້ງຍາກແລ້ວ, ສາມາດບັນລຸໄດ້ລະດັບການເຕີບໂຕ 5,4% ແລະ ໄພເງິນເຟີ້ໄດ້ຮັບການຄວບຄຸມ. ທ່ານເອອັກຄະລັດຖະທູດ ຫງວຽນແມ້ງຮູ່ງ ສະແດງຄວາມເບີກບານໃຈຕໍ່ໜ້າການພັດທະນາຂອງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ຮ່ວມມືຮອບດ້ານ ຫວຽດນາມ - ລາວ ທີ່ນັບມື້ນັບເລິກເຊິ່ງກວ່າອີກ, ໃນນັ້ນວົງເງິນການຄ້າລະຫວ່າງສອງປະເທດບັນລຸໄດ້ກວ່າ 1 ຕື້ USD. ທ່ານ ຮ່ວາງວັນເຄືອງ, ຊາວ ຫວຽດນາມ ອາໄສຢູ່ ລາວ ສະແດງຄວາມໃນໃຈວ່າ:
“ ຄວາມເບີກບານໃຈ ແລະ ເພິ່ງພໍໃຈທີ່ສຸດແມ່ນປະຊາຄົມຊາວ ຫວຽດນາມ ອາໄສຢູ່ຕ່າງປະເທດຍາມໃດກໍ່ໄດ້ຮັບຄວາມເອົາໃຈໃສ່ຈາກລັດຖະບານ ຫວຽດນາມ. ສິ່ງນີ້ແມ່ນປະເສີດສຳລັບພວກຂ້າພະເຈົ້າ, ພວກຂ້າພະເຈົ້າຢາກແນະນຳໃຫ້ພວກລູກຫຼານຮັບຊາບວ່າເຖີງວ່າຈະຢູ່ໃສກໍ່ຕາມ, ລັດຖະບານຍາມໃດກໍ່ເອົາໃຈໃສ່ເຖີງຊາວ ຫວຽດນາມ ອາໄສຢູ່ຕ່າງປະເທດ. ເຮົາຕ້ອງເຮັດແນວໃດເພື່ອຕອບແທນຕໍ່ນ້ຳໃຈຂອງບ້ານເກີດເມືອງນອນຂອງຕົນ.”
ໃນວັນດຽວກັນ, ຕອນຄໍ່າວັນທີ 26/1, ສາຖານທູດ ຫວຽດນາມ ປະຈຳ ລາຊາອະນາຈັກ ອັງກິດ ແລະ ອາຍແລນ ເໜືອສົມທົບກັບສະມາຄົມຊາວ ຫວຽດນາມ ແລະ ສະມາຄົມນັກສຶກສາ ຫວຽດນາມ ຢູ່ ອັງກິດ ຈັດຕັ້ງການເຄື່ອນໄຫວຕ້ອນບຸນຮັບ ປີໃໝ່ປີມະເມຍ 2014. ທ່ານເອກອັກຄະລັດຖະທູດ ຫວຽດນາມ ປະຈຳລາຊາອະນາຈັກ ອັງກິດ ແລະ ອາຍແລນ ເໜືອ ອວຍພອນໃຫ້ປະຊາຄົມຊາວ ຫວຽດນາມ ອາໄສຢູ່ ອັງກິດ ໃຫ້ນັບມື້ນັບເຕີບໃຫຍ່ເຂັ້ມແຂງ, ສາມັກຄີ, ວັດຖະນາຖາວອນ, ເປີດກວ້າງສະມາຊິກ ແລະ ສືບຕໍ່ມີການເຄື່ອນໄຫວອວາຍໜ້າເມືອຫາບ້ານເກີດເມືອງນອນຫຼາຍກວ່າອີກ, ອວຍພອນໃຫ້ບັນດານັກສຶກສາຮໍ່າຮຽນໃຫ້ບັນລຸໝາກຜົນດີເດັ່ນ, ປະກອບເຫື່ອແຮງຂອງຕົນເຂົ້າໃນການພັດທະນາຂອງປະເທດຊາດໃນອະນາຄົດ.
ສ່ວນຢູ່ Tel Aviv, ຕອນຄໍ່າວັນທີ 26/1, ສາຖານທູດ ຫວຽດນາມ ປະຈຳ ອິດສຣາແອນ ຈັດຕັ້ງງານພົບປະສ້າງສັນຕ້ອນຮັບບຸນປີໃໝ່ປີມະເມຍ 2014, ໂດຍມີການເຂົ້າຮ່ວມຂອງປະຊາຊົນ, ນັກຮຽນ ແລະ ຄົນງານ ຫວຽດນາມ ຢູ່ ອິດສຣາແອນ ຢ່າງຫຼວງຫຼາຍ.
ພໍ່ແມ່ປະຊາຊົນຊາວ ຫວຽດນາມ ຢູ່ ອາເມລິກາ ຖະຫວາຍທູບທຽນແທນບູຊາແຫ່ງຊາດ
ຢູ່ນະຄອນຫຼວງ ວໍຊິງຕັນ ດີຊີ, ໃນຕອນຄຳ່ວັນທີ 26/1, ສະຖານທູດ ຫວຽດນາມ ຈັດຕັ້ງການພົບປະສັງສັນຕ້ອນຮັບບຸນເຕັດໃຫ້ພໍ່ແມ່ປະຊາຊົນຢູ່ທີ່ນີ້. ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຫງວຽນກວກເກື່ອງ ໄດ້ທົບທວນຄືນບັນດາຜົນງານທີ່ປະເທດບັນລຸໄດ້ໃນປີ 2013 ແລະ ຢືນຢັນວ່າ ເຖິງວ່າຍັງມີຄວາມຫຍຸ້ງຍາກຫຼາຍຢ່າງ, ແຕ່ເສດຖະກິດມະຫາພາກຂອງ ຫວຽດນາມ ຄ່ອຍໆເປັນປົກກະຕິ, ເຕີບໂຕສູງກ່ວາ ແລະ ໄພເງິນເຟີ້ຕຳ່ກ່ວາປີ 2012...
ແລະກໍ່ໃນວັນດຽວກັນ, ກ່າວຄຳເຫັນທີ່ການພົບປະໃຫ້ປະຊາຄົມຊາວ ຫວຽດນາມ ອາໄສຢູ່ ມາເລເຊຍ, ທ່ານເອກອັກຄະລັດຖະທູດ ຫວຽດນາມ ປະຈຳ ມາເລເຊຍ ຫງວຽນຮົ່ງທາວ ໄດ້ທົບທວນຄືນບັນດາເຫດການພົ້ນເດັ່ນໃນການພົວພັນທາງການທູດລະຫວ່າງ ຫວຽດນາມ ແລະ ມາເລເຊຍ ໃນປີຜ່ານມາ. ເມື່ອເຂົ້າຮ່ວມການພົບປະນີ້, ພໍ່ແມ່ປະຊາຊົນຊາວ ຫວຽດນາມ ອາໄສຢູ່ ມາເລເຊຍ ໄດ້ຮັບປະທານອາຫານ ເຊິ່ງແມ່ນອາຫານພື້ນເມືອງໃນບຸນເຕັດ ຫວຽດນາມ, ເຂົ້າຮ່ວມການເຄື່ອນໄຫວວັດທະນະທຳ, ສີລະປະຕ່າງໆ.
ຕອນຄຳ່ວັນທີ 26/1, ສະຖານທູດ ຫວຽດນາມ ປະຈຳ ສ. ເຊັກ ສົມທົບກັບສະມາຄົມຊາວ ຫວຽດນາມ ອາໄສ ຢູ່ເຊັກ ໄດ້ຈັດຕັ້ງງານລ້ຽງເນື່ອງໃນໂອກາດ ບຸນເຕັດຢູ່ສູນການຄ້າ ຊາປາ. ເຂົ້າຮ່ວມການພົບປະສັງສັນ, ທ່ານເອກອັກຄະລັດຖະທູດ ຫວຽດນາມ ປະຈຳ ເຊັກ ເຈືອງແມ້ງເຊີນ ໄດ້ຮັບຮູ້ບັນດາຜົນງານອັນໃຫຍ່ຫຼວງຂອງປະຊາຄົມຊາວ ຫວຽດນາມ ໃນວິວັດທະນາການເຊື່ອມຕົວເຂົ້າກັບສັງຄົມຢູ່ປະເທດປະຈຳຖີ່ນ ແລະ ພັດທະນາກາຍເປັນໜຶ່ງໃນບັນດາປະຊາຄົມຊາວ ຫວຽດນາມ ໃຫຍ່ກ່ວາໝູ່ຢູ່ ເອີລົບ ຕາເວັນອອກ ໃນປະຈຸບັນ, ພິເສດ ລັດຖະບານ ເຊັກ ໄດ້ຮັບຮູ້ເປັນຊົນເຜົ່າທີ 14 ຂອງ ສ. ເຊັກ.