ປະຊາຄົມຊາວຫວຽດນາມ ອາໄສຢູ່ການາດາສືບຕໍ່ ມຸ່ງໄປສູ່ທະເລໝູ່ເກາະ ຂອງປະເທດຊາດ
(ພາບ: Vietnam+)
(vovworld)- ຫວ່າງແລ້ວນີ້, ຢູ່ນະຄອນໂຕໂຣນໂຕ, ສະຖານທູດຫວຽດນາມ ປະຈຳດານາດາ ໄດ້ຈັດການໂອ້ລົມກ່ຽວກັບສະພາບການຢູ່ທະເລຕາເວັນອອກ, ບັນດາມາດຕະການຕໍ່ສູ້ຂອງຫວຽດນາມ ແລະ ສືບຕໍ່ຂົນຂວາຍປະຊາຊົນບໍລິຈາກເງິນ ສະໜັບສະໜູນກຳລັງຕຳຫຼວດທະເລ, ອົງການກວດກາການປະມົງ ແລະ ຊາວປະມົງທີ່ມີຄວາມມານະພະຍາຍາມຫຼາຍຢ່າງເພື່ອຕິດພັນກັບທະເລ ປົກປັກຮັກສາອະທິປະໄຕເຂດທະເລໝູ່ເກາະຂອງປະເທດຊາດໃນໄລຍະຜ່ານມາ.
ຊາວຫວຽດນາມ ແລະ ນັກຮຽນນັກສຶກສາຫວຽດນາມ ຢູ່ການາດາ ມີຄວາມປິຕິຊົມຊື່ນເມື່ອໄດ້ຮັບຂໍ້ມູນຂ່າວທາງການ ແລະ ອັບເດັດກ່ຽວກັບສະພາບການຢູ່ທະເລຕາເວັນອອກ, ປະຊາຊົນຈຳນວນ 1 ໄດ້ສະແດງອາລົມຈິດ ແລະຍົກອອກຄວາມ ແລະ ວິທີຕໍ່ສູ້ປົກປັກຮັກສາອະທິປະໄຕເຂດທະເລໝູ່ເກາະຂອງປະເທດຊາດຕໍ່ອົນອຸບານຂະຫຍາຍອະນາເຂດຂອງຈີນຢູ່ທະເລຕາຕາເວັນອອກ. ປະຊາຊົນເຂົ້າຮ່ວມທັງໝົດໄດ້ເຫັນດິເປັນເອກະສັນໂດຍຖືວ່າ, ນ້ຳໃຈສາມັກຄີແຫ່ງຊາດແມ່ນປັດໄຈສ້າງເປັນກຳລັງແຮງນຳປະເທດຊາດຜ່ານຜ່າທຸກຄວາມຫຍຸ້ງຍາກ ພ້ອມທັງຢືນຢັນຄວາມເຊື່ອໝັ້ນຕໍ່ນະໂຍບາຍຂອງລັດຖະບານຫວຽດນາມ. ຜູ້ເຂົ້າຮ່ວມການພົບປະໄດ້ປະກອບຈຳນວນເງິນກ່ວາ 5000 ໂດາລາການາດາ (ເທົ່າກັບ 100 ລ້ານດົ່ງ) ສະໜັບສະໜູນ ກຳລັງຕຳຫຼວດທະເລ, ອົງການກວດກາການປະມົງ ແລະ ຊາວປະມົງຫວຽດນາມ./.