ປະຊາຄົມຊາວຫວຽດນາມ ອາໄສຢູ່ອັງກິດ,ອາເມລິກາ ຕ້ອນຮັບບຸນປີໃໝ່ ປະຈຳຊາດ
ທ່ານເອກອັກຄະລັດຖະທູດເລຮ່ວາງຈຸງ,
(ພາບ: Vietnamplus)
(vovworld)- ຕອນຄ່ຳວັນທີ 19/1, ຢູ່ເມືອງ Hackney-ນະຄອນຫຼວງລອນດອນ, ແຫ່ງລາຊະອານາຈັກອັງກິດ, ຊື່ງແມ່ນແຫ່ງທີ່ຊາວຫວຽດນາມ ດຳລົງຊີວິດເປັນຈຳນວນຫຼາຍ ໄດ້ຈັດໃຫ້ມີງານລາຕີພົບປະແລກປ່ຽນ, ສະແດງສິລະປະອວຍພອນລະດູບານໃໝ່ປີ 2014 ແລະ ບໍລິຈາກເງິນສະໜັບສະນູນ ປຊຊ ພາກກາງຫວຽດນາມປະສົບໄພນ້ຳຖ້ວມ. ຄະນະຈັດຕັ້ງໄດ້ຮັບເງິນບໍລິຈາກຈຳນວນກ່ວາ 8000 ປອນ (ສະກຸນເງິນອັງກິດ) ເພື່ອຊ່ວຍເຫຼືອ ປຊຊ ຕາແສງແຮ້ງເຟືອກ-ເມືອງເຫ້ງຍແຮ່ງ-ແຂວງກວາງຫງ້າຍ ແລະ ຕາແສງຢໍໝີ້-ເມືອງຢໍລິນ-ແຂວງກວາງຈິ ໃນໂອກາດບຸນປີໃໝ່ປີມະເມຍ ໃກ້ຈະມາຮອດ.
ໃນວັນດຽວກັນ, ຢູ່ນິວຢອກ, ປະເທດອາເມລິກາ, ຊາວໜຸ່ມ, ນັກສຶກສາຫວຽດນາມເກືອບ 400 ຄົນພວມຮ່ຳຮຽນ ແລະ ເຮັດວຽກຢູ່ນິວຢອກ ໄດ້ຈັດງານລາຕີສະແດງດົນຕີຕ້ອນຮັບບຸນປີໃໝ່ປະຈຳຊາດ, ປີມະເມຍ. ເນື່ອງໃນໂອກາດນີ້, ສະມາຄົມຊາວໜຸ່ມ, ນັກສຶກສາຫວຽດນາມ ຢູ່ນິວຢອກ ໄດ້ຮັບການສະເໜີຢ່າງເປັນທາງການ. ເຂົ້າຮ່ວມ ແລະ ລະດົມກຳລັງໃຈບັນດາເພື່ອນຊາວໜຸ່ມ, ນັກສຶກສາ, ທ່ານເລຮ່ວາງຈຸງ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ຫວັງວ່າ, ສະມາຄົມຊາວໜຸ່ມ, ນັກສຶກສາຫວຽດນາມ ຢູ່ນິວຢອກ ຈະແມ່ນເວທີປາໄສທີ່ມີປະໂຫຍດເພື່ອໃຫ້ບັນດາຊາວໜຸ່ມ, ນັກສຶກສາຫວຽດນາມ ຢູ່ນິວຢອກ ພ້ອມກັນແບ່ງປັນບົດຮຽນໃນການຮ່ຳຮຽນ, ເຮັດວຽກ, ຊ່ວຍເຫຼືອຊື່ງກັນ ແລະ ກັນ ແລະ ມານະພະຍາຍາມສະສົມຄວາມຮູ້, ປັນຍາເພື່ອປະກອບສ່ວນສ້າງສາ ແລະ ພັດທະນາປະເທດຊາດໃນອະນາຄົດ./.