(vovworld) – ວັນທີ 01/06, ສະມາຄົມຊາວຫວຽດນາມ ອາໄສຢູ່ Stockholm ແລະ ບັນດາເຂດອ້ອມຂ້າງໄດ້ຈັດການເດີນຂະບວນເພື່ອຄັດຄ້ານຈີນ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ຢູ່ໃຈກາງນະຄອນຫຼວງ Stockholm, ປະເທດ ຊູແອດ. ນີ້ແມ່ນການເຄື່ອນໄຫວສືບຕໍ່ການເດີນຂະບວນຂອງປະຊາຄົມຊາວຫວຽດນາມ ອາໄສຢູ່ ຊູແອດ ເຊິ່ງຖືກຈັດຂຶ້ນໃນອາທິດແລ້ວນີ້. ເຂົ້າຮ່ວມການເດີນຂະບວນ ມີບັນດານັກສຶກສາຫວຽດນາມ ທີ່ພວມດຳລົງຊີວິດ, ຮໍ່າຮຽນຢູ່ Stockholm ແລະ ບັນດາເຂດອ້ອມຂ້າງ, ພ້ອມກັບເພື່ອນມິດຊາວ ຟີລິບປີນ ປະມານ 300 ຄົນ ໄດ້ຖືປ້າຍຄຳຂວັນຄັດຄ້ານຈີນ. ໃນການເດີນຂະບວນ, ຄະນະຈັດຕັ້ງໄດ້ມີບົດກ່າວປາໄສດ້ວຍ 3 ພາສາຄື ຫວຽດນາມ, ອັງກິດ ແລະ ຊູແອດ ເພື່ອກ່າວປະນາມບັນດາການກະທຳຜິດ ແລະ ລະເມີດກົດໝາຍສາກົນຂອງຈີນ ເມື່ອຕັ້ງຮ້ານເຈາະນ້ຳມັນໄຮຢາງ ຢ່າງຜິດກົດໝາຍໃນເຂດໄຫຼ່ທະວີບ ແລະ ເຂດເສດຖະກິດຈຳເພາະຂອງຫວຽດນາມ.