ການສະແດງສິລະປະຢູ່ງານບຸນ
(ພາບ: Bích Hà/TTXVN)
|
(vovworld) – ວັນທີ 13/2, ຢູ່ນະຄອນ Nogent – sur – Marne, ຊານນະຄອນຫຼວງ ປາຣີ, ປະຊາຄົມຊາວ ຫວຽດນາມ ອາໄສຢູ່ ຝຣັ່ງ ແລະ ສູນວັດທະນະທຳ ຫວຽດນາມ ປະຈຳ ຝຣັ່ງ ສົມທົບກັບສະມາຄົມ, ພາກສ່ວນຕ່າງໆ ຈັດຕັ້ງບຸນປີໃໝ່ປະຈຳຊາດປີວອກ 2016 ດ້ວຍຫົວຂໍ້ວ່າ “ລະດູບານໃໝ່ຢູ່ບ້ານ”. ພິທີຕ້ອນຮັບບຸນປີໃໝ່ປະຈຳຊາດດ້ວຍການເຄື່ອນໄຫວຕ່າງໆທີ່ອຸດົມສົນບູນຄື: ລາຍການສະແດງສິລະປະ, ຕີມວຍ, ຕະຫຼາດນັດບຸນເຕັດ… ໄດ້ກາຍເປັນວັນບຸນຕ້ອນຮັບລະດູບານໃໝ່ຂອງປະຊາຄົມຊາວ ຫວຽດນາມ ອາໄສຢູ່ ຝຣັ່ງ ຢ່າງແທ້້ຈິງ. ແລະກໍໃນວັນບຸນນີ້, ສູນວັດທະນະທຳ ຫວຽດນາມ ປະຈຳ ຝຣັ່ງ ໄດ້ປະກາດບັນດາບົດຂຽນ ເຂົ້າຮ່ວມການເສັງຊອກຮູ້ກ່ຽວກັບ ຫວຽດນາມ ທີມີຊື່ວ່າ “ຫວຽດນາມ ຄັ້ງທີ 5” ທີ່ສະຫງວນໃຫ້ຊາວ ຝຣັ່ງ ແລະ ຊາວ ຫວຽດນາມ ອາໄສຢູ່ ຝຣັ່ງ. ບັນດາບົດຂຽນ ໄດ້ຮັບລາງວັນແມ່ນບັນດາບົດຂຽນດ້ວຍພາສາ ຫວຽດ, ພາສາ ຝຣັ່ງ ໂດຍແບ່ງປັນຄວາມຮູ້ສຶກ, ອະນຸສອນກ່ຽວກັບກົກເຄົ້າເຫງົ້າກໍ ຫວຽດນາມ, ຄົ້ນຫາພື້ນຖານວັດທະນະທຳ ຫວຽດນາມ.