ປະຊາຄົມອາຊຽນ:ກາລະໂອກາດແລະການທ້າທາຍ,ຄວາມສາມັກຄີແລະການຮ່ວມມື
(ພາບປະກອບ)
(vovworld) - ວັນທີ 19 ແລະ 20/10, ຢູ່ຮ່າໂນ້ຍ, ກອງທຶນສັນຕິພາບ ແລະ ພັດທະນາຫວຽດນາມ ສົມທົບກັບກອງທຶນ Rosa Luxemburg Stiftung (ເຢຍລະມັນ) ຈັດຕັ້ງກອງປະຊຸມສຳມະນາສາກົນດ້ວຍຫົວຂໍ້ວ່າ “ປະຊາຄົມອາຊຽນ: ກາລະໂອກາດ ແລະ ການທ້າທາຍ, ຄວາມສາມັກຄີ ແລະ ຮ່ວມມື“. ກອງປະຊຸມສຳມະນານີ້ຖືກຈັດຂຶ້ນດ້ວຍຈຸດປະສົງໄຈ້ແຍກບັນດາຄວາມສະດວກ ກໍ່ຄືການທ້າທາຍທີ່ວາງອອກສຳລັບປະຊາຊົນໃນການສ້າງຕັ້ງປະຊາຄົມອາຊຽນ, ຈາກນັ້ນວາງອອກບັນດາມາດຕະການເພີ່ມທະວີການເຂົ້າຮ່ວມຂອງປະຊາຊົນ ແລະ ບັນດາອົງການຈັດຕັ້ງປະຊາຊົນ ໃນວິວັດແຫ່ງການສ້າງຕັ້ງປະຊາຄົມອາຊຽນ. ທີ່ກອງປະຊຸມສຳມະນາ, ຜູ້ຕາງໜ້າຄະນະເລຂາອາຊຽນ, ທ່ານນາງ Anna Mae, ເນັ້ນໜັກວ່າ, ປະຊາຄົມອາຊຽນ 2015 ແມ່ນຂີດໝາຍແຫ່ງການສ້າງຕັ້ງປະຊາຄົມອາຊຽນ ພ້ອມກັບປະຊາຄົມຄວາມໝັ້ນຄົງ - ການເມືອງ ແລະ ປະຊາຄົມວັດທະນະທຳ - ສັງຄົມອາຊຽນ ຢ່າງເປັນທາງການ. ເລື່ອງຍົກອອກຂອບເຂດທີ່ຈຳເປັນໃນພາກພື້ນ, ອະນຸຍາດໃຫ້ອາຊຽນ ກ້າວຂຶ້ນກໍ່ສ້າງປະຊາຄົມເສດຖະກິດ. ທ່ານນາງ Anna Mae ແບ່ງປັນແຜນການສັງລວມປະຊາຄົມເສດຖະກິດອາຊຽນ 2015 ດ້ວຍ 4 ເສົາຄຳ້ຕົ້ນຕໍແມ່ນ: ຕະຫຼາດ ແລະ ພື້ນຖານຜະລິດໜຶ່ງດຽວ, ພາກພື້ນອາຊຽນແກ່ງແຍ້ງ, ພາກພື້ນເສດຖະກິດຍຸຕິທຳ, ການເຊື່ອມໂຍງ ແລະ ເສດຖະກິດທົ່ວໂລກ.