ປະຊາຄົມໂລກກ່າວປະນາມບັນດາກໍລະນີບຸກໂຈມຕີແບບກໍ່ການຮ້າຍຢູ່ປາຣີປະເທດຝະລັ່ງ
ກໍລະນີບຸກໂຈມຕີແບບກໍ່ການຮ້າຍຢູ່ປາຣີປະເທດຝະລັ່ງເມື່ອວັນທີ 13/11 |
(vovworld)-ຕໍ່ໜ້າບັນດາກໍລະນີບຸກໂຈມຕີແບບກໍ່ການຮ້າຍຢູ່ປາຣີປະເທດຝະລັ່ງເມື່ອວັນທີ 13/11 , ໃນວັນທີ 13/11, ສະພາຄວາມໝັ້ນຄົງ ສ.ປ.ຊ ໄດ້ອອກແຈ້ງການກ່າວປະນາມຢ່າງຮຸນແຮງບັນດາກໍລະນີບຸກໂຈມຕີແບບກໍ່ການຮ້າຍທີ່ໂຫດຮ້າຍສາມານທີ່ແນໃສ່ສາມັນຊົນຢູ່ປາຣີປະເທດຝະລັ່ງເມື່ອວັນທີ 13/11 ອັນໄດ້ເຮັດໃຫ້ຫຼາຍຄົນເສບຊີວິດ ແລະ ໄດ້ຮັບບາດເຈັບ. ແຈ້ງການໄດ້ເນັ້ນໜັກວ່າ ຈຳເປັນຕ້ອງຈັບຕົວ ແລະ ນຳຕົວການຂຶ້ນສານດຳເນີນຄະດີ. ທ່ານເລຂາທິການໃຫຍ່ອົງການ NATO ໄດ້ຢືນຢັນວ່າ ຈະຮຽງບ່າຮຽງໄຫຼ່ພ້ອມກັບຝະລັງເພື່ອຕ້ານລັດທິກໍ່ການຮ້າຍ. ເຈົ້າໜ້າທີ່ຂັ້ນສູງຫຼາຍທ່ານຂອງ EU ກໍໄດ້ສະແດງຄວາມສາມັກຄີກັບຊາວຝະລັ່ງພາຍຫຼັງບັນດາກໍລະນີກໍ່ການຮ້າຍຢູ່ຝະລັ່ງ. ໃນວັນດຽວກັນ, ປະທານາທິບໍດີລັດເຊຍປູຕິນ ໄດ້ສົ່ງໂທລະເລກແບ່ງເບົາຄວາມເສົ້າສະລົດໃຈ ແລະ ຢ້ຽມຢາມຖາມຂ່າວເຖິງປະທານາທິບໍດີຝະລັ່ງ Hollande. ໃນຂະນະນັ້ນ, ນາຍົກລັດຖະມົນຕີເຢັຍລະມັນ, ນາຍົກລັດຖະມົນຕີອັງກິດ ກໍໄດ້ຖະແຫຼງວ່າ ພ້ອມແລ້ວໜູນຊ່ວຍຝະລັ່ງ ແລະ ຈະພະຍາຍາມຈົນສຸດຄວາມສາມາດຂອງຕົນເພື່ອຮັບໃຊ້ການສືບສວນ. ໃນຖະແຫຼງການເມື່ອຕອນຄ່ຳວັນທີ 13/11, ປະທານາທິບໍດີ ອາເມລິກາ Obama ກໍໄດ້ກ່າວປະນາມບັນດາກໍລະນີບຸກໂຈມຕີແບບກໍ່ການຮ້າຍຢູ່ປາຣີປະເທດຝະລັ່ງ ແລະ ຖືວ່າ ນີ້ແມ່ນການບຸກໂຈມຕີທີ່ແນໃສ່ມວນມະນຸດ. ສ່ວນລັດຖະບານບັນດາປະເທດອາເມລິກາໃຕ້ ກໍພ້ອມກັນ ກ່າວປະນາມບັນດາກໍລະນີບຸກໂຈມຕີແບບກໍ່ການຮ້າຍທີ່ນອງເລືອດຢູ່ປາຣີປະເທດຝະລັ່ງ.