(vovworld) – ວັນທີ 04/02, ທ່ານເລຂາທິການໃຫຍ່ຫງວຽນຟຸຈ້ອງ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງກວາງຈິ້ ເພື່ອກວດກາສະພາບການປະຕິບັດບັນດາມະຕິຂອງພັກ, ການພັດທະນາເສດຖະກິດສັງຄົມ, ກໍ່ສ້າງພັກ ແລະ ວຽກງານກະກຽມກອງປະຊຸມໃຫຍ່ອົງຄະນະພັກທຸກຂັ້ນ. ທີ່ການເຮັດວຽກກັບພະນັກງານ, ສະມາຊິກພັກ ແລະ ປະຊາຊົນຕາແສງ ວິ້ງຖຸຍ, ເມືອງວິ້ງລິງ, ທ່ານເລຂາທິການໃຫຍ່ຊີ້ແຈ້ງວ່າ, ເມື່ອພັກໄດ້ຮັບການສ້າງຕັ້ງ, ພາຍໃຕ້ການຊີ້ນຳນຳພາຂອງພັກ, ຫວຽດນາມ ສ້າງໄດ້ຜົນງານຫຼາຍຢ່າງໃນພາລະກິດຕໍ່ສູ້ຍາດເອົາເອກະລາດ, ເສລີພາບ, ສ້າງສາ ແລະ ປົກປັກຮັກສາປະເທດຊາດ. ໃນສະພາບການຄືປະຈຸບັນ, ທຸກຄົນຕ້ອງເຂົ້າໃຈຢ່າງເລິກເຊິ່ງບົດຮຽນກ່ຽວກັບການພົວພັນອັນສະໜິດແໜ້ນລະຫວ່າງປະຊາຊົນກັບພັກ, ສ້າງກຳລັງແຮງສັງລວມ. ທ່ານເລຂາທິການໃຫຍ່ ສະເໜີໃຫ້ອົງຄະນະພັກວິ້ງລິງ ແລະ ຕາແສງ ວິງຖຸຍ ຕ້ອງສືບຕໍ່ເສີມຂະຫຍາຍມູນເຊື້ອ, ເບິ່ງແຍງດູແລ, ປັບປຸງກໍ່ສ້າງພັກໃຫ້ປອດໄສ, ໝັ້ນຂົງເຂັ້ມແຂງ, ຍົກສູງກຳລັງຄວາມສາມາດຊີ້ນຳນຳພາ, ຕັດສິນໃຈຕໍ່ສູ້ກັບບັນດາຮູບແບບເສື່ອມເສຍທາງດ້ານຄຸນນະພາບ, ວິຖີຊີວິດ.