(vovworld) - ດ້ວຍການເລືອກຕັ້ງນາຍົກລັດຖະມົນຕີໄດ້ ໃນຕອນເຊົ້າວັນທີ 07/04, ສະພາແຫ່ງຊາດຊຸດທີ 13 ໄດ້ສຳເລັດການເລືອກຕັ້ງ 3 ຕຳແໜ່ງການນຳສູງສຸດຂອງລັດ, ລັດຖະບານ, ສະພາແຫ່ງຊາດ, ປະຊາຊົນທົ່ວປະເທດທີຄວາມເຊື່ອໝັ້ນວ່າ, ດ້ວຍຄຸນນະທາດດ້ານການເມືອງ ແລະ ບົດຮຽນຂອງຕົນ, ທ່ານນາຍົກລັດຖະມົນຕີ ຫງວຽນຊວນຟຸກ ຈະມີບັນດາຄຳຕັດສິນຢ່າງຖືກຕ້ອງ, ນຳປະເທດໃຫ້ພັດທະນາກ້າວຂຶ້ນ. ທ່ານ ຫງວຽນວັນຫາວ, ຢູ່ນະຄອນເກີນເທີ ປາດຖະໜາວ່າ, ໃນຖານະຕຳແໜ່ງໃໝ່, ທ່ານນາຍົກລັດຖະມົນຕີ ຫງວຽນຊວນຟຸກ ຈະມານະພະຍາຍາມກວ່າອີກ ເພື່ອພ້ອມກັບລັດຖະບານແກ້ໄຂບັນດາບັນຫາສຳຄັນຂອງປະເທດຊາດ ໃນອະນາຄົດ.
“ໃນອາຍຸການຊຸດໃໝ່, ຂ້າພະເຈົ້າມີຄວາມຫວັງວ່າໃນການປ້ອງກັນ, ຕ້ານໄພທຳມະຊາດ, ພວກເຮົາຕ້ອງເຮັດແນວໃດໃຫ້ຄັນຄູມີຄວາມໝັ້ນແກ່ນ, ທັນສະໄໝ. ກ່ຽວກັບສະພາບການຢູ່ທະເລຕາເວັນອອກ, ພວກເຮົາຕ້ອງມີການກະທຳຢ່າງເດັດຂາດ ຖ້າຫາກປະໄວ້ຄືແນວນີ້ແມ່ນອັນຕະລາຍທີ່ສຸດ. ເຮັດໄດ້ຄືແນວນັ້ນ, ປະເທດເຮົາຈຶ່ງເຂັ້ມແຂງ, ວັດຖະນາຖາວອນໄດ້”.
ສ່ວນຜູ້ມີສິດເລືອກຕັ້ງ ຫງວຽນຢຸງ, ຢູ່ເມືອງ ຟຸ໋ຍ້ວນ, ນະຄອນໂຮ່ຈິມິນ ຖືວ່າ.
“ອາຍຸການຈະມາເຖິງ, ຂ້າພະເຈົ້າຫວັງວ່າທ່ານນາຍົກລັດຖະມົນຕີ ຫງວຽນຊວນຟຸກ ຈະແກ້ໄຂບັນດາບັນຫາຄືຄວາມສະຫງົບ, ຄວາມເປັນລະບຽບຮຽບຮ້ອຍ, ອາດຊະຍາກຳໃຫ້ດີ. ເຮັດແນວໃດໃຫ້ສະພາບອາດຊະຍາກຳຫຼຸດຜ່ອນລົງ. ກ່ຽວກັບການສຶກສາ, ຂ້າພະເຈົ້າຫວັງວ່າ, ທ່ານຈະເຮັດແນວໃດເພື່ອໃຫ້ພື້ນຖານການສຶກສາຂອງຫວຽດນາມ ນັບມື້ນັບພັດທະນາ. ໃນນັ້ນ, ເມື່ອນັກສຶກສາຮຽນຈົບແລ້ວຈະຫາໄດ້ວຽກເຮັດງານທຳ”.
ຜູ້ມີສິດເລືອກຕັ້ງຢູ່ຮ່າໂນ້ຍ ປາດຖະໜາວ່າ, ທ່ານນາຍົກລັດຖະມົນຕີຈະບໍລິຫານລັດຖະບານໃຫ້ດີ ເພື່ອນຳປະເທດພັດທະນາຢ່າງໝັ້ນຄົງເຂັ້ມແຂງ, ຍູ້ແຮງພາລະກິດປະຕິຮູບການຍຸຕິທຳ, ປົກປັກຮັກສາສິດຂອງມະນຸດ ແລະ ຕັ້ງໜ້າປ້ອງກັນດ້ານການສໍ້ລາດບັງຫຼວງ. ທ່ານ ຫງວຽນວັນງວຽນ, ຜູ້ອຳນວຍການບໍລິສັດກົດໝາຍ ຮືງງວຽນ ເຊື່ອໝັ້ນວ່າ.
“ນາຍົກລັດຖະມົນຕີຄົນໃໝ່, ດ້ວຍປະສົບການຫຼາຍຢ່າງໃນຂົງເຂດທີ່ທ່ານຮັບຜິດຊອບຄືກົດໝາຍວ່າດ້ວຍການປ້ອງກັນ, ຕ້ານອາດຊະຍາກຳ, ວຽກງານການເມືອງພາຍໃນປະເທດນັ້ນ ທ່ານຈະພ້ອມກັບປະທານສານປະຊາຊົນສູງສຸດ, ຫົວໜ້າອົງການໄອຍະການປະຊາຊົນສູງສຸດ ເອົາໃຈໃສ່ ແລະ ຍູ້ແຮງວຽກງານການປະຕິຮູບດ້ານຕຸລາການ, ກໍ່ສ້າງພື້ນຖານດ້ານກົດໝາຍໃຫ້ປອດໃສ, ໝັ້ນຄົງເຂັ້ມແຂງ, ຮັກສາຄວາມຍຸຕິທຳ, ສິດຂອງມະນຸດ, ເອົາໃຈໃສ່ກວ່າອີກເຖິງບົດບາດຂອງທະນາຍຄວາມໃນພາລະກິດປ້ອງກັນຕ້ານອາດຊະຍາກຳ, ປ້ອງກັນຕ້ານການຕັດສິນລົງໂທດຢ່າງຜິດພາດ ແລະ ໄຈແຍກຕີລາຄາສັງຄົມ”.