ປະຊາຊົນນັບໝຶ່ນຄົນ ມາຢ້ຽມຢາມສຸສານພົນເອກ ຫວໍງວຽນຢາບ ໃນໂອກາດວັນພັກ
(ປະຊາຊົນນັບໝຶ່ນຄົນໃນທົ່ວປະເທດ ໄດ້ກັບເມືອຖະຫວາຍທູບທຽນ
ຢູ່ເຂດສຸສານພົນເອກຫວໍງວຽນຢາບ)
(vovworld) - ໃນໂອກາດສະເຫຼີມສະຫຼອງ 39 ປີແຫ່ງວັນປົດປ່ອຍທາງພາກໃຕ້ຢ່າງສົມບູນ, ທ້ອນໂຮມປະເທດຊາດເປັນເອກະພາບ (30/04/1975 – 30/04/2014) ແລະ 60 ປີແຫ່ງວັນໄຊຊະນະດ້ຽນບຽນຝຸ, ໃນລະຫວ່າງວັນທີ 30/04 – 01/05, ມີປະຊາຊົນນັບໝຶ່ນຄົນໃນທົ່ວປະເທດ ໄດ້ມາຢ້ຽມຢາມເຂດ ຫວູງຈົ່ວ - ເກາະອ໋ຽນ, ຕາແສງກວາງດົງ, ເມືອງກວາງແຈກ, ແຂວງກວາງບິ່ງ, ເພື່ອຖະຫວາຍທູບທຽນ, ດອກໄມ້ຢູ່ເຂດສຸສານພົນເອກຫວໍງວຽນຢາບ. ມີຫຼາຍຄະນະອະດີດນັກຮົບ, ບັນດາຜູ້ເຖົ້າຜູ້ແກ່, ພ້ອມກັບນັກຮຽນ, ນັກສຶກສາ ໄດ້ມາແຫ່ງນີ້ເພື່ອອາໄລຫາພົນເອກຫວໍງວຽນຢາບ
ຕາມຮ້ອຍຕີ ຫງວຽນຄັ໋ກເຕີນຫ່າວ, ຫົວໜ້າບັນຊາການກຳລັງປົກປັກຮັກສາເຂດສຸສານແລ້ວ, ໃນຊຸມວັນນີ້ ໄດ້ມີ 65.000 ຄະນະ, ດ້ວຍຈຳນວນ 620.000 ເທື່ອຄົນມາໄຫວ້ອາໄລຢູ່ສຸສານເພີ່ນ. ພິເສດ, ໃນວັນທີ 30/04, ໄດ້ມີກວ່າ 20.000 ເທື່ອຄົນມາໄຫວ້ອາໄລສຸສານພົນເອກຫວໍງວຽນຢາບ.
ເນື່ອງໃນໂອກາດນີ້, ຕອນເຊົ້າວັນທີ 02/05, ຢູ່ເຂດສຸສານ ພົນເອກ ຫວໍງວຽນຢາບ, ສະມາຄົມວິສາຫະກິດໜຸ່ມຫວຽດນາມ ໄດ້ຈັດພິທີເປີດສະຫຼອງທໍ່ສົ່ງນ້ຳສະອາດຂຶ້ນເຂດສຸສານພົນເອກ. ນີ້ແມ່ນກິດຈະກຳທີມີຄວາມໝາຍຢ່າງແທດຈິງ, ສະແດງຄວາມເຄົາລົບ ແລະ ຮູ້ບຸນຄຸນຂອງບັນດາວິສາຫະກິດໜຸ່ມຫວຽດນາມ ທີ່ມີຕໍ່ພົນເອກຫວໍງວຽນຢາບ.