(vovworld) - ໜຶ່ງໃນບັນດາໜ້າທີ່ຈຸດສຸມຂອງອາຍຸການກອງປະຊຸມໃຫຍ່ຄັ້ງທີ 12 ຂອງພັກແມ່ນ “ສືບຕໍ່ປະຕິບັດສາມບຸກທະລຸຍຸດທະສາດຢ່າງມີປະສິດທິຜົນ; ສ້າງໂຄງປະກອບພື້ນຖານເສດຖະກິດຕິດພັນກັບການປ່ຽນໃໝ່ຮູບແບບເຕີບໂຕສັງລວມ ແລະ ຄົບຊຸດ“. ບັນດາຄວາມເຫັນຂອງປະຊາຊົນລ້ວນແຕ່ຫວັງວ່າ, ພາຍຫຼັງກອງປະຊຸມໃຫຍ່ຄັ້ງທີ 12, ບັນດາໜ້າທີ່, ແຜນນະໂຍບາຍນີ້ຈະໄດ້ຮັບການຜັນຂະຫຍາຍໃນທັນທີ ແລະ ນຳເຂົ້າພຶດຕິກຳຕົວຈິງ, ຕາມຜູ້ຊ່ຽວຊານດ້ານເສດຖະກິດ ລືວບິກໂຮ່ ແລ້ວ, ນີ້ແມ່ນແຜນນະໂຍບາຍໃຫຍ່ ແລະ ສຳຄັນ, ຕ້ອງສືບຕໍ່ໄດ້ຮັບການຍູ້ແຮງ:
“ໄລຍະຈະມາເຖິງ, ຫວຽດນາມ ເຊື່ອມໂຍງກັບບັນດາສັນຍາການຄ້າລຸ້ນໃໝ່ຄື: ສັນຍາ TPP ຢ່າງເລິກເຊິ່ງ, ດັ່ງນັ້ນຮຽກຮ້ອງຕ້ອງສືບຕໍ່ຍູ້ແຮງການປະຕິຮູບລະບອບ, ກວດຄືນ, ປັບປຸງໃຫ້ສົມບຸນກວ່າ. ພື້ນຖານເສດຖະກິດການຕະຫຼາດຕ້ອງມີບັນດາປັດໃຈຕະຫຼາດຢ່າງຄົບຖ້ວນກວ່າ, ຕອບສະໜອງຄວາມຮຽກຮ້ອງເຊື່ອມໂຍງ ແລະ ທັນສະໄໝກວ່າ, ຕິດພັນກັບລະບອບ ແມ່ນມະນຸດ, ກົງຈັກຕ້ອງໄດ້ຮັບການປ່ຽນໃໝ່ຈຶ່ງສາມາດປະຈິບັດໄດ້. ຂ້າພະເຈົ້າຫວັງວ່າບັນດາຄາດໝາຍເຊິ່ງກອງປະຊຸມໃຫຍ່ວາງອອກຈະໄດ້ຮັບການປະຕິບັດຢ່າງຖືກຕ້ອງ“.
ບັນດາທິດທາງ, ຄາດໝາຍໃນການພັດທະນາເສດຖະກິດ - ສັງຄົມ ເຊິ່ງກອງປະຊຸມໃຫຍ່ຄັ້ງທີ 12 ຂອງພັກໄດ້ວາງອອກ ກໍ່ໄດ້ດຶງດູດຄວາມສົນໃຈຈາກປະຊາຊົນຫຼາຍຄົນ. ທ່ານ ຫງວຽນວັນແຄ໋ງ ຢູ່ເມລິງ, ຮ່າໂນ້ຍ, ຫວັງວ່າ:
“ຫວັງວ່າພາຍຫຼັງກອງປະຊຸມໃຫຍ່ຄັ້ງທີ 12, ພວກເຮົາຈະປະຕິບັດມະຕິກອງປະຊຸມໃຫຍ່ໃນທັນທີ ເພື່ອກໍ່ສ້າງພື້ນຖານເສດຖະກິດຂອງຫວຽດນາມໃຫ້ພັດທະນາ, ເທົ່າທຽມກັບບັນດາພື້ນຖານເສດຖະກິດອື່ນໆໃນກຸ່ມອາຊຽນ ຫຼືບັນດາປະເທດບ້ານໃກ້ເຮືອນຄຽງ. ປະຊາຊົນພວກຂ້າພະເຈົ້າຫວັງວ່າຕ້ອງເຮັດແນວໃດເພື່ອໃຫ້ແຜນນະໂຍບາຍ, ແນວທາງຂອງພັກປະກົດຜົນເປັນຈິງ“.