(vovworld) - ວັນທີ 08/12, ປະຊາຊົນອາຟລິກາໃຕ້ ນັບລ້ານຄົນ, ໂດຍບໍ່ຈຳແນກການເຊື່ອຖື, ຜິວພັນ, ເກັ່ນອາຍຸ ແລະ ຍິງຊາຍ, ພ້ອມກັນເຂົ້າຮ່ວມພິທີພາວະນາໃຫ້ດວງວິນຍານຂອງອະດີດປະທານາທິບໍດີ Nelson Mandela. ນີ້ແມ່ນການເຄື່ອນໄຫວເປີດສາກໃຫ້ສັບປະດາພາວະນາໂດຍລັດຖະບານອາຟລິກາໃຕ້ ປຸກລະດົມດ້ວຍຂະໜາດໃຫຍ່ທີ່ບໍ່ເຄີຍມີມາກອນໃນທົ່ວປະເທດເພື່ອຍ້ອງຍໍການນຳທີ່ຍິ່ງໃຫຍ່, ຜູ້ທີ່ໄດ້ປະກອບສ່ວນຍາດເອົາອິດສະລະພາບ, ປະຊາທິປະໄຕ ບໍ່ພຽງແຕ່ໃຫ້ອາຟລິກາໃຕ້ ແລະ ອາຟລິກາເທົ່ານັ້ນ ຫາກຍັງໃຫ້ປະຊາຊົນໃນໂລກອີກດ້ວຍ. ທ່ານປະທານາທິບໍດີອາຟລິກາໃຕ້ Jacob Zuma ໄດ້ເຂົ້າຮ່ວມບັນດາການເຄື່ອນໄຫວຢູ່ນະຄອນ Johannesburg, ເຊິ່ງແມ່ນແຫ່ງທີ່ທ່ານ Nelson Mandela ສ້າງຂີດໝາຍຫຼາຍຢ່າງທີ່ສຸດໃນຊີວິດແຫ່ງການເຄື່ອນໄຫວຂອງຕົນ. ໃນບົດກ່າວປາໄສຂອງຕົນ, ທ່ານປະທານາທິບໍດີ Jacob Zuma ຂອບອົກຂອບໃຈປະຊາຊົນອາຟລິກາໃຕ້ ເຊິ່ງໄດ້ສະຫງວນອາລົມຈິດອັນເລິກເຊິ່ງໃຫ້ “ຜູ້ເປັນພໍຂອງຊາດ”, ພ້ອມທັງຮຽກຮ້ອງໃຫ້ປະຊາຊົນສະແດງຄວາມຮັກແຮງ ແລະ ເຄົາລົບຕໍ່ອະດີດປະທານາທິບໍດີ Nelson Mandela.