 ຊາວຮ່າໂນ້ຍ ພາກັນເຕົ້າໂຮມຢູ່ໃຈກາງນະຄອນເພື່ອຕ້ອນຮັບ
ຈຸດເວລາສົ່ງທ້າຍປີເກົ່າຕ້ອນຮັບປີໃຫມ່ |
(vovworld)- ໃນຄ່ຳຄືນສົ່ງທ້າຍປີເກົ່າຕ້ອນຮັບປີໃຫມ່, ນະຄອນ ຮ່າໂນ້ຍ ໄດ້ຈັດຕັ້ງບັນດາສະຖານທີ່ລະຫລິ້ນບັນເທິງກ່າງແຈ້ງໃນຄ່ຳຄືນສົ່ງທ້າຍປີເກົ່າຕ້ອນຮັບປີໃຫມ່. ຊາວຮ່າໂນ້ຍ ທຸກຄົນລ້ວນແຕ່ມີຄວາມຫວັງ, ຄາດຄະເນໃຫມ່ໃນປີໃຫມ່ຈະດີງາມກວ່າ. ຊາວຮ່າໂນ້ຍ ຜູ້ຫນຶ່ງ ໄດ້ແບ່ງປັນວ່າ:
“ປີໃຫມ່ ຂໍອວຍພອນໃຫ້ທຸກຄົນໃນຄອບຄົວ, ໝູ່ເພື່ອນ ແລະ ປະຊາຊົນຫວຽດນາມ ໝົດທຸກຄົນ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ. ອວຍພອນໃຫ້ພື້ນຖານເສດຖະກິດມີສັນຍານດີຂຶ້ນເພື່ອໃຫ້ປະຊາຊົນມີຄວາມອີ່ມໜຳສຳລານ, ປະເທດຊາດຮັ່ງມີເຂັ້ມແຂງ. ວຽກງານນັບມື້ນັບສະດວກກວ່າ.”
ບັນດານະຄອນໃຫຍ່ຢູ່ພາກກາງຫວຽດນາມຄື: ດາຫນັງ, ເຫ້ວ, ຍາຈາງ, ໂຮ້ຍອານ, ຄ່ຳຄືນສົ່ງທ້າຍປີເກົ່າຕ້ອນຮັບປີໃຫມ່ໄດ້ດຳເນີນຫລາຍລາຍການສະແດງສິລະປະ ອວຍພອນພັກ ຕ້ອນຮັບລະດູບານໃຫມ່ປີລະກາ.
ກ່ອນຈຸດເວລາສົ່ງທ້າຍປີເກົ່າຕ້ອນຮັບປີໃຫມ່, ຄະນະຊາວຫນຸ່ມ, ສະຫະພັນຊາວຫນຸ່ມ ຫວຽດນາມ ແຂວງ ເທື່ອທຽນເຫ້ວ ພ້ອມກັບບັນດານັກໃຈບຸນໃຈກຸສົນ ໄດ້ມອບຂອງຂວັນບຸນເຕັດໃຫ້ເດັກນ້ອຍພວມປິ່ນປົວພະຍາດຢູ່ໂຮງໝໍສູນກາງ ເຫ້ວ ແລະ ກຳມະກອນຢູ່ບໍລິສັດສິ່ງແວດລ້ອມ ແລະ ກິດຈະກຳຕົວເມືອງ ເຫ້ວ. ອ້າຍ ເຈີນຢາບ໋າວ, ເລຂາຄະນະຊາວຫນຸ່ມແຂວງ ເທື່ອທຽນເຫ້ວ ໃຫ້ຮູ້ວ່າ:
“ເລື່ອງມອບຂອງຂວັນນີ້ໄດ້ປະກອບສ່ວນແບ່ງເບົາບັນດາຄວາມຫຍຸ້ງຍາກ ພ້ອມທັງສົ່ງບັນດາຂອງຂວັນບຸນເຕັດເພື່ອໃຫ້ຄົນງານທຸກຄົນກໍຄືຄົນເຈັບພວມປິ່ນປົວພະຍາດຢູ່ໂຮງໝໍສູນກາງເຫ້ວ ໄດ້ຕ້ອນຮັບບຸນເຕັດຢ່າງເບີກບານມ່ວນຊື່ນ.”
ຢູ່ນະຄອນ ຍາຈາງ ແຂວງ ແຄງຮວ່າ, ໃນຄ່ຳຄືນສົ່ງທ້າຍປີເກົ່າຕ້ອນຮັບປີໃຫມ່ ກໍໄດ້ດຳເນີນລາຍການສະແດງສິລະປະ ຂ່ຳນັບຮັບຕ້ອນລະດູບານໃຫມ່ປີລະກາ. ສ່ວນຢູ່ ນະຄອນ ຮ້າລອງ, ປະຊາຊົນນັບພັນໆຄົນໄດ້ເຕົ້າໂຮມຢູ່ເຂດໃຈກາງເພື່ອລະຫລິ້ນ ແລະ ຖ່າຍຮູບລະນຶກໃນຈຸດເວລາສົ່ງທ້າຍປີເກົ່າຕ້ອນຮັບປີໃຫມ່.