ປະດັບໄຊມິດຕະພາບໃຫ້ປະທານຫ້ອງການການຄ້າອາເມລິກາປະຈຳຮ່າໂນ້ຍ
(ປະດັບໄຊມິດຕະພາບໃຫ້ປະທານ
ຫ້ອງການການຄ້າອາເມລິກາປະຈຳຮ່າໂນ້ຍ)
(vovworld) - ວັນທີ 22/06, ທ່ານເອກອັກຄະລັດຖະທູດຫວຽດນາມ ປະຈຳອາເມລິກາ ຟ້າມກວາງວິງ ໄດ້ຕາງໜ້າປະທານປະເທດສສ.ຫວຽດນາມ ປະດັບຫຼຽນໄຊມິດຕະພາບໃຫ້ທ່ານນາງ Virginia Foote, ປະທານຫ້ອງການການຄ້າອາເມລິກາ ປະຈຳຮ່າໂນ້ຍ, ຍ້ອນໄດ້ມີບັນດາການປະກອບສ່ວນຕັ້ງໜ້າເຂົ້າໃນການຊຸກຍູ້ການພົວພັນລະຫວ່າງ 2 ປະເທດ. ໂດຍແມ່ນຜູ້ໄດ້ຮ່ວມເດີນທາງໃນຕະຫຼອດວິວັດການ ສ້າງການພົວພັນລະຫວ່າງຫວຽດນາມ - ອາເມລິກາ ເປັກປົກກະຕິ, ທ່ານນາງ Virginia Foote ໄດ້ຮັບຖືວ່າແມ່ນໜຶ່ງໃນບັນດາແບບຢ່າງທີ່ດີເດັ່ນ, ມີການປະກອບສ່ວນສຳຄັນຫຼາຍຢ່າງໃນວິວັດການນີ້. ປະຈຸບັນ, ໃນຖານະເປັນປະທານຫ້ອງການການຄ້າອາເມລິກາ, ທ່ານນາງ Virginia Foote ພວມສືບຕໍ່ປະກອບສ່ວນເຂົ້າໃນການໂຄສະນາຂໍ້ມູນຂ່າວສານກ່ຽວກັບສະພາບແວດລ້ອມແຫ່ງດຳເນີນທຸລະກິດຢູ່ຫວຽດນາມ ໃຫ້ບັນດາວິສາຫະກິດອາເມລິກາ, ກໍຄືແບ່ງປັນບົດຮຽນເພື່ອໜູນຊ່ວຍວິສາຫະກິດຫວຽດນາມ ເຊື່ອມໂຍງເຂົ້າກັບສາກົນ ແລະ ຫວ່າງແລ້ວນີ້ແມ່ນການທາບທາມການເຈລະຈາ, ລົງນາມໃນສັນຍາຄູ່ຮ່ວມມືຂ້າມປາຊີຟິກ (TPP).
ທີ່ພິທີປະດັບຫຼຽນໄຊມິດຕະພາບ, ທ່ານນາງ Virginia Foote ໄດ້ຖືວ່າ, ການພົວພັນລະຫວ່າງອາເມລິກາ - ຫວຽດນາມ ພວມເຕີບໂຕຢ່າງບໍ່ຢຸດຢັ້ງ. ໂດຍມີຄວາມປະເອີບໃຈຕໍ່ແງ່ຫວັງຂອງການພົວພັນ 2 ຝ່າຍ, ທ່ານນາງ Virginia Foote ເນັ້ນໜັກວ່າ, ອາເມລິກາ ແລະ ຫວຽດນາມ ຕ້ອງແກ້ໄຂບັນດາບັນຫາຮ່ອງຮອຍສົງຄາມ ໄປພ້ອມກັບການສ້າງການພົວພັນໃໝ່ໃນອະນາຄົດ.