(vovworld) – ວັນທີ 13/6, ສປປ ເກົາຫຼີ ໄດ້ອອກຖະແຫຼງການຢັ້ງຢືນ ສ ເກົາຫຼີ ຕ້ອງຮັບຜິດຊອບກ່ຽວກັບການລົ້ມລະລາຍແຜນການຈັດຕັ້ງການເຈລະຈາຂັ້ນສູງລະຫວ່າງ 2 ພາກເກົາຫຼີ, ພ້ອມທັງໃຫ້ຮູ້ວ່າ ພຽງຢາງ ຈະບໍ່ຊອກຫາການສົນທະນາໃນຈຸດເວລານີ້. ສຳນັກຂ່າວສານສູນກາງ ສປປ ເກົາຫຼີ (KCNA) ຄັດສະເໜີຄຳຖະແຫຼງການຂອງຄະນະກຳມະການສ້າງສັນຕິພາບຄືນໃໝ່ແຫ່ງ ສປປ ເກົາຫຼີ (CPRK) ຊີ້ແຈ້ງວ່າ: ສ ເກົາຫຼີ ໄດ້ສະເໜີດຳເນີນການເຈລະຈາຂັ້ນລັດຖະມົນຕີ, ແຕ່ກ່ອນທີ່ດຳເນີນການເຈລະຈາ ເຊີອູນ ໄດ້ຫລຸດຕຳແໜ່ງຂອງຫົວໜ້າຄະນະເຈລະຈາ ສ ເກົາຫຼີ. ການກະທຳດັ່ງກ່າວສະແດງໃຫ້ເຫັນວ່ານັບແຕ່ຫົວທີ ເຊີອູນ ບໍ່ມີເຈດຈຳນົງສົນທະນາ ຫາກພຽງແຕ່ຊອກຫາວິທີຂັດຂວາງ. ນີ້ແມ່ນປະຕິກິລິຍາທຳອິດຂອງ ພຽງຢາງ ນັບແຕ່ເວລາການເຈລະຈາ ລະຫວ່າງ 2 ພາກເກົາຫຼີ ເຊິ່ງຄາດວ່າຈະດຳເນີນໃນວັນທີ 12 – 13/6 ຖືກລົບລ້າງ ຍ້ອນ 2 ຝ່າຍບໍ່ລົງລອຍກັນກ່ຽວກັບພາກສ່ວນເຂົ້າຮ່ວມ, ພິເສດແມ່ນຂັ້ນຫົວໜ້າຄະນະຜູ້ແທນ.