ທ່ານ ເລື່ອງແທງງິ ໂຄສົກກະຊວງການຕ່າງປະເທດຫວຽດນາມ
|
Vovworld- ວັນທີ 27/11/2012, ແຂວງໄຮໜານຂອງຈີນໄດ້ຮັບຮອງເອົາເອກະສານສະບັບປັບປຸງ “ກົດລະບຽບຄຸ້ມຄອງຄວາມເປັນລະບຽບຮຽບຮ້ອຍຢູ່ເຂດແຄມທະເລແຂວງໄຮໜານ ” ໃນນັ້ນໄດ້ນຳເອົາ 2 ໝູ່ເກາະ ຮ່ວາງຊາ ແລະ ເຈືອງຊາຂອງຫວຽດນາມເຂົ້າໃນຂອບເຂດປະຕິບັດການ. ກ່ອນໜ້ານັ້ນ, ໃນວັນທີ 23/11/2012, ຈີນໄດ້ໃຫ້ພິມຈຳໜ່າຍແຜນທີ່ “ ຊານຊາ” ຊຶ່ງລວມມີ 2 ໝູ່ເກາະ ຮ່ວາງຊາ,ເຈືອງຊາ ແລະ ເຂດເສດຖະກິດພິເສດ, ເຂດໄຫຼ່ທະວີບຂອງຫວຽດນາມ
ແລະ ໃນມໍ່ມານີ້, ໃນເວລາ 4 ໂມງ 5 ນາທີຂອງວັນທີ 30/11/2012, ເມື່ອກຳປັ່ນບິງມິງ 02 ພວມເຄື່ອນໄຫວສຳຫຼວດຢູ່ບໍລິເວັນ ເຂດເສດຖະກິດພິເສດ, ເຂດໄຫຼ່ທະວີບຂອງຫວຽດນາມ, ຫ່າງຈາກເກາະ ກົນກໍຂອງຫວຽດນາມພຽງປະມານ 43 ໄມທະເລເທົ່ານັ້ນ, ໄດ້ຖືກກຳປັ່ນ 2 ລຳຂອງຈີນ ເລກໝາຍ 16025 ແລະ 16028 ໄດ້ແລ່ນມາຕັດສາຍເຄເບີນຂອງກຳປັ່ນບິງມິງ 02.
ຕອບຄຳຖາມຂອງນັກຂ່າວກ່ຽວກັບປະຕິກິລີຍາຂອງຫວຽດນາມຕໍ່ໜ້າເຫດການດັ່ງກ່າວ , ທ່ານ ເລື່ອງແທງງິ ໂຄສົກກະຊວງການຕ່າງປະເທດຫວຽດນາມຊີ້ແຈ້ງວ່າ :
“ ບັນດາການກະທຳຂອງຈີນໄດ້ລ່ວງລ້ຳອະທິປະໄຕຂອງຫວຽດນາມທີ່ມີຕໍ່ 2 ໝູ່ເກາະ ຮ່ວາງຊາ ແລະ ເຈືອງຊາ; ລະເມີດສິດອະທິປະໄຕ, ສິດນຳສະເໜີຕັດສິນ ຄວາມຖືກຕ້ອງຂອງຫວຽດນາມທີ່ມີຕໍ່ບັນດາເຂດນ່ານທະເລຂອງ
ຫວຽດນາມ, ລະເມີດຂໍ້ຕົກລັງກັນກ່ຽວກັບບັນດາຫຼັກການພື້ນຖານເພື່ອຊີ້ນຳແກ້ໄຂບັນຫາຢູ່ທະເລລະຫວ່າງຫວຽດນາມ-ຈີນຊຶ່ງໄດ້ລົງນາມເມື່ອເດືອນ 10/2011; ໄປຝືນກັບຈິດໃຈຖະແຫຼງການ DOC , ເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕ່ືມ ”
ວັນທີ 3/12/2012, ຜູ້ຕາງໜ້າກະຊວງການຕ່າງປະເທດຫວຽດນາມໄດ້ພົບປະກັບ ຜູ້ຕາງໜ້າສະຖານທູດຈີນຢູ່ຮ່າໂນ້ຍ ເພື່ອສົ່ງສານເດັດດຽວຄັດຄ້ານບັນດາການກະທຳດັ່ງກ່າວຂອງຈີນ ແລະ ຮຽກຮ້ອງຈີນຈົ່ງເຄົາລົບອະທິປະໄຕຂອງຫວຽດນາມ ແລະ ຢຸດຕິການກະທຳທີ່ຜິດພາດໃນທັນທີ