(vovworld) - ວັນທີ 07/04, ເມື່ອຕອບສຳພາດຕໍ່ນັກຂ່າວທີ່ສະເໜີໃຫ້ຮູ້ປະຕິກິລິຍາຂອງຫວຽດນາມ ຕໍ່ໜ້າເລື່ອງຮ້ານເຈາະນ້ຳມັນໄຮຢາງ 981 ຂອງຈີນ ໄດ້ເຂົ້າເຂດທະເລຢູ່ນອກປາກອ່າວພາກເໜືອ ນັບແຕ່ຕອນຄ່ຳວັນທີ 03/04, ເພື່ອດຳເນີນການສຳຫຼວດນ້ຳມັນ, ໂຄສົກກະຊວງການຕ່າງປະເທດຫວຽດນາມ ເລຫາຍບິ່ງ ຊີ້ແຈ້ງວ່າ.
“ຕາມຂໍ້ມູນຂ່າວຈາກບັນດາອົງການທີ່ກ່ຽວຂ້ອງ ຂອງຫວຽດນາມ ແລ້ວ, ນັບແຕ່ຕອນຄ່ຳວັນທີ 03/04, ຮ້ານເຈາະນ້ຳມັນໄຮຢາງ 981 ຂອງຈີນ ໄດ້ຍົກຍ້າຍເຂົ້າເຂດນອກປາກອ່າວພາກເໜືອເພື່ອສຳຫຼວດນ້ຳມັນ. ນີ້ແມ່ນເຂດນອກອ່າວພາກເໜືອເຊິ່ງຫວຽດນາມ ແລະ ຈີນ ພວມດຳເນີນການເຈລະຈາຂີດຂັ້ນເສັ້ນຊາຍແດນ.
ຫວຽດນາມເດັດດຽວຄັດຄ້ານ ແລະ ຮຽກຮ້ອງໃຫ້ຈີນ ຍົກເລີກແຜນການສຳຫຼວດນ້ຳມັນ ແລະ ຖອນຮ້ານເຈາະນ້ຳມັນໄຮຢາງ 981 ອອກຈາກເຂດນິ້, ບໍ່ມີການກະທຳພຽງລຳພັງຝ່າຍດ່ຽວໃດໆທີ່ເຮັດໃຫ້ສະພາບການສັບສົນຂຶ້ນຕື່ມ ແລະ ມີບັນດາການປະກອບສ່ວນຢ່າງແທດຈິງເພື່ອສັນຕິພາບ, ສະຖຽນລະພາບຢູ່ທະເລຕາເວັນອອກ.
ຫວຽດນາມ ຮັກສາບັນດາສິດ ແລະ ຜົນປະໂຫຍດອັນຊອບທຳຂອງຕົນສຳລັບເຂດດັ່ງກ່າວ ດ້ວຍທຸກມາດຕະການສັນຕິພາບ ເຊິ່ງກົດໝາຍສາກົນອະນຸຍາດເພື່ອປົກປັກຮັກສາບັນດາສິດ ແລະ ຜົນປະໂຫຍດອັງຊອບທຳນັ້ນ”.
ແລະກໍ່ໃນວັນທີ 07/04/2016, ເມື່ອຕອບຄຳຖາມຂອງນັກຂ່າວສະເໜີໃຫ້ຮູ້ ກ່ຽວກັບປະຕິກິລິຍາຂອງ ຫວຽດນາມ ຕໍ່ເລື່ອງ ຈີນ ນຳປາພະຄານເຂົ້າການເຄື່ອນໄຫວ ໃນຫີນ Xubi ທີ່ຂຶ້ນກັບໝູ່ເກາະ ເຈື່ອງຊາ ຂອງ ຫວຽດນາມ. ໂຄສົກກະຊວງການຕ່າງປະເທດ ຫວຽດນາມ ເລຫາຍບີງ ຊີ້ແຈ້ງວ່າ:
ອີກເທື່ອໜຶ່ງ ຫວຽດນາມ ຢັ້ງຢືນມີເອກະສານນິຕິກຳ ແລະ ຫຼັກຖານປະຫວັດສາດຢ່າງຄົບຖ້ວນ ກ່ຽວກັບອະທິປະໄຕ ທີ່ບໍ່ອາດໂຕ້ຖຽງກັນໄດ້ຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ. ການກະທຳດັ່ງກ່າວຂອງຝ່າຍ ຈີນ ແມ່ນລະເມີດອະທິປະໄຕຂອງ ຫວຽດນາມ ທີ່ມີຕໍ່ໝູ່ເກາະ ເຈື່ອງຊາ ຢ່າງຮ້າຍແຮງ, ແມ່ນການກະທຳຜິດກັບກົດໝາຍ ແລະ ໄຮ້ຄຸນຄ່າ.
ພວກຂ້າພະເຈົ້າ ຮຽກຮ້ອງ ຈີນ ຢຸດຕິບັນດາການເຄື່ອນໄຫວລະເມີດອະທິປະໄຕຂອງ ຫວຽດນາມ ຢູ່ 2 ໝູ່ເກາະ ຮ່ວາງຊາ ແລະ ເຈື່ອງຊາ ຢ່າງຮີບດ່ວນ, ເຄົາລົບກົດໝາຍສາກົນຢ່າງເຂັ້ມງວດ, ພິເສດແມ່ນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ກໍ່ຄືຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ບໍ່ມີບັນດາການກະທຳທີ່ເຮັດໃຫ້ສະພາບການຢູ່ທະເລຕາເວັນອອກສັບສົນຕື່ມອີກ