(ທ່ານດິງເທ໋ຮີນ, ກຳມະການກົມການເມືອງ, ເລຂາສູນກາງພັກ)
(vovworld) - ວັນທີ 09/04, ຢູ່ຮ່າໂນ້ຍ, ຄະນະຊີ້ນຳວຽກງານ ຖະແຫຼງຂ່າວຕໍ່ຕ່າງປະເທດພວມດຳເນີນກອງປະຊຸມຕີລາຄາໝາກຜົນແຫ່ງການເຄື່ອນໄຫວຂອງປີ 2012 ແລະ ເປັນເອກະພາບນຳກັນທິດທາງ, ແຜນການເຄື່ອນໄຫວປີ 2013. ທ່ານດິງເທ໋ຮີງ, ກຳມະການກົມການເມືອງ, ເລຂາສູນກາງພັກ, ຫົວນ້າຄະນະໂຄສະນາສຶກສາສູນກາງ, ຫົວໜ້າຄະນະຊີ້ນຳວຽກງານ ຖະແຫຼງຂ່າວຕໍ່ຕ່າງປະເທດໄດ້ເປັນປະທານກອງປະຊຸມ.
ບົດລາຍງານທີ່ສະເໜີໃນກອງປະຊຸມຄັ້ງນີ້ ກໍຄືບັນດາຄຳເຫັນຂອງບັນດາສະມາຊິກ ແລະ ຜູ້ແທນທີ່ເຂົ້າຮ່ວມໄດ້ຢືນຢັນວ່າ ໃນປີ 2012, ຄະນະຊີ້ນຳໄດ້ປະຕິບັດບັນດາໜ້າທີ່ທີ່ໄດ້ວາງອອກເປັນຢ່າງດີ. ວຽກງານຖະແຫຼງຂ່າວຕໍ່ຕ່າງປະເທດ ໄດ້ປະຕິບັດຢ່າງທັນການກ່ຽວກັບສະພາບການພາຍໃນປະເທດ, ແນວທາງຂອງພັກ, ນະໂຍບາຍ, ກົດໝາຍຂອງລັດ, ໂຄສະນາປະເທດຊາດ, ວັດທະນະທຳ ແລະ ຊາວຫວຽດນາມ ເຖິງປະຊາຄົມໂລກ ແລະ ວົງຄະນະຍາດຊາວຫວຽດນາມ ອາໄສຢູ່ຕ່າງປະເທດ. ທີ່ກອງປະຊຸມ, ທ່ານ ຟ້າມວັນລິງ, ຮອງຫົວໜ້າຄະນະໂຄສະນາສຶກສາສູນກາງ, ຮອງຫົວໜ້າຄະນະຊີ້ນຳວຽກງານ ຖະແຫຼງຂ່າວຕໍ່ຕ່າງປະເທດ ຊີ້ແຈ້ງວ່າ.
“ໃນສະພາບທີ່ປະເທດພວມປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ສະພາບການຢູ່ພາກພື້ນ ແລະ ສາກົນມີການຜັນແປຢ່າງສັບສົນ, ຖະແຫຼຂ່າວຕໍ່ຕ່າງປະເທດຕ້ອງສືບຕໍ່ເພີ່ມທະວີ ແລະ ປ່ຽນໃໝ່. ຄະນະຊີ້ນຳຕ້ອງເສີມຂະຫຍາຍບົດບາດ, ສະຕິ, ໜ້າທີ່ຮັບຜິດຊອບຂອງແຕ່ລະສ່ວນບຸກຄົນກວ່າອີກ ໃນການຊີ້ນຳ, ສົມທົບກັນເຄື່ອນໄຫວ, ສຳເລັດຈຸດໝາຍຂອງການປະຕິບັດ “ຍຸດທະສາດພັດທະນາວຽກງານຖະແຫຼຂ່າວຕໍ່ຕ່າງປະເທດໄລຍະ 2011 - 2020” ຢ່າງມີປະສິດທິຜົນ”.
ກ່າວຄຳເຫັນສະຫລຸບກອງປະຊຸມ, ທ່ານ ດິງເທ໋ຮີງ ໄດ້ຕັກເຕືອນວ່າ, ໃນໄລຍະຈະມາເຖິງ ວຽກງານ ຖະແຫຼຂ່າວຕໍ່ຕ່າງປະເທດຕ້ອງເປັນເຈົ້າການໃນການໂຄສະນາກວ່າອີກ ເພື່ອເຮັດໃຫ້ວົງຄະນະຍາດສາກົນ, ຊາວຫວຽດນາມ ອາໄສຢູ່ຕ່າງປະເທດເຂົ້າໃຈຢ່າງຖືກຕ້ອງກ່ຽວກັບສະພາບການພາຍໃນປະເທດ, ກໍຄືທັດສະນະຂອງຫວຽດນາມ ກ່ຽວກັບບັນດາບັນຫາສຳຄັນຂອງສາກົນ, ຜ່ານນັ້ນຍາດແຍ່ງຄວາມເຫັນດີເຫັນພ້ອມ, ສະໜັບສະໜູນຕໍ່ພາລະກິດສ້າງສາ ແລະ ປົກປັກຮັກສາປະເທດຊາດ.