ປະຕິບັດການຫັນລະບຽບການບໍລິຫານໃນຂົງເຂດຊັບພະຍາກອນ ແລະ ສິ່ງແວດລ້ອມເປັນງ່າຍດາຍ
(ທ່ານລັດຖະມົນຕີວ່າການກະຊວງຊັບພະຍາກອນ
ແລະ ສິ່ງແວດລ້ອມ ຫງວຽນມິງກວາງ)
(vovworld) - ປະຕິບັດການຫັນລະບຽບການບໍລິຫານໃນຂົງເຂດຊັບພະຍາກອນ ແລະ ສິ່ງແວດລ້ອມເປັນງ່າຍດາຍ. ນີ້ແມ່ນຈຸດປະສົງຂອງງານພົບປະແລກປ່ຽນໂດຍກົງທາງເຄືອຂ່າຍອິນເຕີແນດກັບປະຊາຊົນ ແລະ ວິສາຫະກິດຄັ້ງທຳອິດໃນປີ 2015, ກ່ຽວກັບການຍູ້ໄວການປະຕິຮູບລະບຽບການບໍລິຫານໃນຂົງເຂດຊັບພະຍາກອນ ແລະ ສິ່ງແວດລ້ອມ, ເຊິ່ງຈັດຕັ້ງໃນວັນທີ 4/6. ທ່ານລັດຖະມົນຕີວ່າການກະຊວງຊັບພະຍາກອນ ແລະ ສິ່ງແວດລ້ອມ ຫງວຽນມິງກວາງ ແລະ ບັນດາລັດຖະມົນຕີຊ່ວຍວ່າການໄດ້ເປັນເຈົ້າພາບຈັດຕັ້ງງານພົບປະແລກປ່ຽນດັ່ງກ່າວ. ກ່າວຄວາມເຫັນນະທີ່ນີ້, ທ່ານລັດຖະມົນຕີ ຫງວຽນມິງກວາງ ໃຫ້ຮູ້ວ່າ, ຜ່ານງານພົບປະແລກປ່ຽນນີ້, ກະຊວງຊັບພະຍາກອນ ແລະ ສິ່ງແວດລ້ອມ ຫວັງວ່າຈະໂຄສະນາ, ເຜີຍແຜ່ນະໂຍບາຍ, ກົດໝາຍ, ບັນດາຂັ້ນຕອນລະບຽບການບໍລິຫານກ່ຽວກັບຂົງເຂດຊັບພະຍາກອນ ແລະ ສິ່ງແວດລ້ອມ ເຖິງປະຊາຊົນທຸກຊັ້ນວັນນະ ແລະ ວິສາຫະກິດ. ຜ່ານບັນດາຄຳຖາມໃນງານພົບປະແລກປ່ຽນໂດຍກົງນີ້, ກະຊວງ ແລະ ບັນດາພະແນກ ຊັບພະຍາກອນ ແລະ ສິ່ງແວດລ້ອມ ຈະສືບຕໍ່ປັບປຸງນະໂຍບາຍ, ກົດໝາຍກ່ຽວກັບຊັບພະຍາກອນ ແລະ ສິ່ງແວດລ້ອມ, ພ້ອມທັງປະຕິບັດການຫັນບັນດາລະບຽບການບໍລິຫານໃນຂົງເຂດຕ່າງໆຂອງຂະແໜງເປັນງ່າຍດາຍ.