( ພາບປະກອບ )
( vovworld ) - ການສຳມະນາດ້ວຍຫົວຂໍ້ວ່າ “ ປະຕິບັດຄຳໝັ້ນສັນຍາສາກົນ ແລະ ກົດໝາຍກ່ຽວກັບຄວາມສະເໝີພາບລະຫວ່າງຍິງຊາຍ” ໂດຍກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດ ສົມທົບກັບກຸ່ມສະມາຊິກສະພາແຫ່ງຊາດຍິງ ແລະ ໂຄງການໜູນຊ່ວຍປະຕິບັດນະໂຍບາຍການຈັດຕັ້ງຖືກໄຂຂື້ນໃນວັນທີ 5/3, ຢູ່ນະຄອນ ເກີນເທີ. ການສຳມະນາແມ່ນໜື່ງໃນບັນດາການເຄື່ອນໄຫວເຊິ່ງນອນໃນຂອບເຂດການຮວ່ມມືລະຫວ່າງກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດກັບອົງການພັດທະນາສາກົນ ກາລາດາ ( CIDA ) ໄດ້ອະນຸມັດຜ່ານໂຄງການໜູນຊ່ວຍປະຕິບັດນະໂຍບາຍ. ໂຄງການເພື່ອແນໃສ່ໜູນຊ່ວຍຊຸກຍູ້ການປະຕິບັດຈຸດໝາຍສະຫັດສະວັດຈຳແນກການປະພຶດທີ່ມີຕໍ່ແມ່ຍິງຫວຽດນາມ, ສູ້ຊົນຮອດປີ 2020, ຮັບປະກັນຄວາມສະເໝີພາບລະຫວ່າງຍິງຊາຍກ່ຽວກັບກາລະໂອກາດ, ການເຂົ້າຮ່ວມ ແລະ ຊົນໃຊ້ບັນດາຂົງເຂດການເມືອງ, ເສດຖະກິດ, ວັດທະນະທຳສັງຄົມຢ່າງແທດຈິງ, ປະກອບສ່ວນເຂົ້າໃນການພັດທະນາປະເທດຊາດຢ່າງວ່ອງໄວ ແລະ ໝັ້ນຄົງ. ປະຈຸບັນຫວຽດນາມ ແມ່ນປະເທດທີ່ຂື້ນກັບກຸ່ມບັນດາປະເທດພວມພັດທະນາເຊິ່ງໄດ້ຮັບການຕີລາຄາສູງຈາກປະຊາຄົມໂລກກ່ຽວກັບດັດສະນີພັດທະນາເພດ ເມື່ອທຽບໃສ່ບັນດາປະເທດທີ່ມີລະດັບພັດທະນາເຊັ່ນດຽວກັນໃນພາກພື້ນອາຊີຕາເວນອອກສຽງໃຕ້ ແລະ ອາຊີ - ປາຊີຟິກ.