( ພິທີຍ້ອງຍໍຊົມເຊີຍນັກຮຽນໄດ້ຮັບລາງວັນ Olympic ສາກົນ )
(vovworld) – ຕອນຄ່ຳວັນທີ 30/11 ທີ່ພິທີຍ້ອງຍໍຊົມເຊີຍນັກຮຽນໄດ້ຮັບລາງວັນ Olympic ສາກົນ ແລະ ນັກຮຽນດີເດັ່ນໃນການສອບເສັງມັດທະຍົມຕອນປາຍແຫ່ງຊາດປີ 2015 ທີ່ຈັດຂຶ້ນ ຢູ່ ຮ່າໂນ້ຍ. ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ ເນັ້ນໜັກວ່າ: ປະຕິບັດພາລະກິດປ່ຽນໃໝ່ການສຶກສາ ແລະ ບຳລຸງສ້າງຮອບດ້ານໂດຍພື້ນຖານຢ່າງມີໄຊ. ກ່າວຄຳເຫັນທີ່ພິທີຍ້ອງຍໍ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຫວັງວ່າບັນດານັກຮຽນທີ່ໄດ້ຮັບການຍ້ອງຍໍຊົມເຊີຍ ໃນມື້ນີ້ສືບຕໍ່ມີຫລາຍຜົນງານພິຊິດຄວາມຮູ້ໃໝ່; ພ້ອມທັງ ຫວັງວ່າ: ພວກນ້ອງຈະສືບຕໍ່ຢືນຢັນຕົນເອງ ເພື່ອກໍ່ຮ່າງສ້າງຕົວ ສ້າງອາຊີບ ແລະ ອຸທິດສ່ວນໃຫ້ແກ່ການພັດທະນາຂອງປະເທດຊາດຢ່າງຫລວງຫລາຍ. ໃນໄລຍະປ່ຽນໃໝ່, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຖືວ່າ: ບັນດາຄູອາຈານ ແລະ ທົ່ວຂະແໜງການສຶກສາ ຄວນຖືເອົາການສຶກສາ - ບຳລຸງສ້າງເປັນລັດຖະນະໂຍບາຍແຖວໜ້າ, ຕ້ອງເອົາໃສ່ໃຈເປັນພິເສດເຖິງການບຳລຸງສ້າງລຸ່ນໜຸ່ມ; ເສີມຂະຫຍາຍຄວາມຮັບຜິດຊອບຂອງຕົນກ່ວາອີກ, ພ້ອມກັນປະກອບກຳລັງເຫື່ອແຮງ, ຄວາມເກັ່ງກ້າສາມາດ, ພູມປັນຍາ ເພື່ອນຳພື້ນຖານການສຶກສາ ຫວຽດນາມ ກ້າວຂຶ້ນສູ່ລະດັບສູງໃໝ່.