(vovworld) – ໃນການຢ້ຽມຢາມມິດຕະພາບ ມຽນມາ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ, ມີການພົບປະກັບບັນດາວິສາຫະກິດ ຫວຽດນາມ ທີ່ພວມລົງທຶນຢູ່ທີ່ນີ້ ແລະ ຜູ້ຕາງໜ້າບັນດາຄະນະ, ຂະແໜງການຄຸ້ມຄອງຂອງປະເທດເຈົ້າພາບ. ວັນທີ 17/3 ຢູ່ Yangon, ໃນການພົບປະນີ້, ທ່ານຫງວຽນທ້ຽນເຍີນ ໄດ້ແລກປ່ຽນກັບຝ່າຍ ມຽນມາ ກ່ຽວກັບບັນດາບົດຮຽນໃນການຄຸ້ມຄອງການລົງທຶນຈາກຕ່າງປະເທດຢູ່ ຫວຽດນາມ ເພື່ອຈາກນັ້ນ ອາດສາມາດແກ້ໄຂໄດ້ບັນດາຄວາມຫຍຸ້ງຍາກ ຊຶ່ງບັນດາວິສາຫະກິດ ຫວຽດນາມ ຢູ່ ມຽນມາ ພວມປະເຊີນໜ້າ.
ໃນຂອບເຂດການຢ້ຽມຢາມຄັ້ງນີ້, ທ່ານ ຫງວຽນທ້ຽນເຍີນ ມີການເຮັດວຽກກັບ ຜູ້ວ່າການລັດ Yangon ເພື່ອແນໃສ່ແນະນຳກ່ຽວກັບບັນດາທ່າແຮງທີ່ອາດສາມາດຮ່ວມມືລົງທຶນກັບຝ່າຍ ມຽນມາ. ກ່ອນໜ້ານັ້ນ, ທ່ານຫງວຽນທ້ຽນເຍີນ ໄດ້ໄປຢ້ຽມຢາມໂຄງການສູນການຄ້າປະສົມໂດຍກຸ່ມບໍລິສັດ ຮ່ວາງແອງຢາລາຍ ລົງທຶນຢູ່ ມຽນມາ, ເຊິ່ງມີຍອດມູນຄ່າ 440 ລ້ານ USD. ໂຄງການນີ້ໄດ້ຮັບຖືວ່າແມ່ນຫຈຸດພົ້ນເດັ່ນໃນການພົວພັນລະຫວ່າງ 2 ປະເທດ.