ທ່ານ ຫງວຽນທ້ຽນເຍີນ ຕ້ອນຮັບ
ທ່ານນາງ Anne Marie Helland
(ພາບ: VGP/HoangLong)
(vovworld) – ຕອນບ່າຍວັນທີ 1/12 ຢູ່ແຂວງ ເທື່ອທຽນເຫ້ວ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໃຫ້ການຕ້ອນຮັບທ່ານນາງ Anne Marie Helland ເລຂາທິການໃຫຍ່ອົງການ ເອີລົບເໜືອ ເນື່ອງໃນໂອກາດມາຢ້ຽມຢາມ ແລະ ເຂົ້າຮ່ວມກອງປະຊຸມທົ່ວປະເທດ “ເສີມຂະຫຍາຍບົດບາດຂອງບັນດາສາສະໜາເຂົ້າຮ່ວມປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດ” ຊຶ່ງດຳເນີນໃນວັນທີ 2/12 ຢູ່ແຂວງ ເທື່ອທຽນ - ເຫ້ວ. ທີ່ການຕ້ອນຮັບ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຕີລາຄາສູງການຮ່ວມມື ແລະ ໜູນຊ່ວຍຂອງອົງການ ເອີລົບເໜືອ ຢ່າງມີປະສິດທິຜົນ ດ້ວຍການເຄື່ອນໄຫວສັງຄົມຫລາຍຢ່າງ; ໃນນັ້ນ ມີຂົງເຂດປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດ. ທ່ານ ຫງວຽນທ້ຽນເຍີນ ປາດຖະໜາວ່າ: ອົງການຈັດຕັ້ງ ເອີລົບເໜືອ ສືບຕໍ່ໜູນຊ່ວຍ ຫວຽດນາມ ໃນການປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດໃນໄລຍະຈະມາເຖິງ.
ສ່ວນທ່ານນາງ Anne Marie Helland ເລຂາທິການໃຫຍ່ອົງການ ເອີລົບເໜືອ ໃຫ້ຄຳໝັ້ນສັນຍາຈະສືບຕໍ່ຮ່ວມມືຢ່າງແໜ້ນແຟ້ນກັບແນວໂຮມປະເທດຊາດ ຫວຽດນາມ, ກະຊວງຊັບພະຍາກອນ ແລະ ສິ່ງແວດລ້ອມ ກໍຄືບັນດາສາສະໜາໃນບັນຫາປົກປັກຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດ.