(vovworld) – ຕອນບ່າຍວັນທີ 4/7, ທ່ານ ຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໄປຢ້ຽມຢາມ, ຊອກຮູ້ສະພາບການຜະລິດ, ດຳເນີນທຸລະກິດຂອງບາງວິສາຫະກິດຢູ່ເມືອງ ເຈີ່ນເດ່, ແຂວງ ຊອກຈັງ. ຢູ່ທີ່ນີ້, ທ່ານ ຫງວຽນທ້ຽນເຍີນ ໄດ້ຮັບຟັງຄຳເຫັນ, ຂໍ້ສະເໜີຂອງບັນດາວິສາຫະກິດກ່ຽວກັບເລື່ອງຮັບປະກັນໃຫ້ຊາວກະສິກອນມີຜົນກຳໄລ, ມີຄວາມອຸ່ນອ່ຽນໃຈໃນການຜະລິດກ່ວາ, ລັດຄວນລົງທຶນກໍ່ສ້າງສູນແນວພັກປູກ, ສັດລ້ຽງ, ຄວນເພີ່ມທະວີການຄຸ້ມຄອງກ່ຽວກັບລາຄາ, ມີມາດຕະການແກ້ໄຂສະພາບບັນດາຫົວໜ່ວຍເກັບ, ຊື້, ປຸງແຕ່ງກຸ້ງສົມທົບກັນບັງຄັບຊາວກະສິກອນຕ້ອງຫລຸດລາຄາ. ທ່ານປະທານ ຫງວຽນທ້ຽນເຍີນ ໄດ້ຮັບຮູ້ບັນດາຄຳເຫັນປະກອບຂອງວິສາຫະກິດ, ພ້ອມທັງໃຫ້ຮູ້ວ່າ: ຈະຝາກເຖິງລັດຖະບານ ແລະ ບັນດາຂະແໜງການກ່ຽວຂ້ອງເພື່ອວາງມາດຕະການເໝາະສົມແນໃສ່ໜູນຊ່ວຍວິສາຫະກິດ ແລະ ຊາວກະສິກອນພັດທະນາ.