ທ່ານທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ອວຍພອນບຸນເຕັດChol Chnam Thmay
ພາບ:TTXVN
|
(vovworld)- ຕອນບ່າຍວັນທີ 4/4, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໄປຢ້ຽມຢາມ ແລະ ອວຍພອນບຸນເຕັດ Chol Chnam Thmay ຢູ່ ວັດ Pitu Khosa RangSay ເມືອງ ນີງກ່ຽວ ນະຄອນ ເກີນເທີ. ນະທີ່ນີ້, ທ່ານ ຫງວຽນທ້ຽນເຍີນ ສົ່ງຄຳຢື້ຢາມຖາມຂ່າວ, ອວຍພອນບຸນເຕັດເຖິງບັນດາພະສົງສຳມະເນນ ສາສະນິກະຊົນ ຢູ່ວັດດັ່ງກ່າວເວົ້າສະເພາະ ແລະ ຊາວເຜົ່າ ຂະແມທາງທິດຕາເວັນຕົກພາກໃຕ້ ເວົ້າລວມ. ທ່ານຫງວຽນທ້ຽນເຍີນ ຢືນຢັນວ່າ: ພາຍຫລັງໄດ້ຮັບການສ້າງສາ ແລະ ພັດທະນາມາເປັນເວລາຫລາຍປີ, ວັດແຫ່ງນີ້ມີການປ່ຽນແປງຫລາຍຢ່າງຕາມທິດນັບມື້ນັບດີງາມກວ່າ, ໃນນັ້ນ ວັດໄດ້ມີຄວາມເອົາໃຈໃສ່, ຫນູນຊ່ວຍໃຫ້ບັນດາພວກນ້ອງນັກຮຽນ, ນັກສຶກສາທີ່ປະສົບກັບຄວາມຫຍຸ້ງຍາກມາດຳລົງຊີວິດ ແລະ ຮ່ຳຮຽນຢູ່ໃນວັດ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຊີ້ແຈ້ງວ່າ:
“ພວກຂ້າພະເຈົ້າຕາງຫນ້າໃຫ້ພັກ, ລັດ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ ມານະຄອນເກີນເທີ ເພື່ອອວຍພອນໃຫ້ພໍ່ແມ່ຊາວເຜົ່າຂະແມຕ້ອນຮັບບຸນເຕັດ Chol Chnam Thmay ຢ່າງມີຄວາມເບີກບານມ່ວນຊື່ນ ມີຄວາມຜາສຸກ. ປະຊາຊົນຫວຽດນາມ 90 ລ້ານຄົນ ຍາມໃດກໍສະຫນິດຕິດພັນ ກັບຊາວເຜົ່າຂະແມຢູ່ທາງທິດຕາເວັນຕົກພາກໃຕ້.”
ເນື່ອງໃນໂອກາດນີ້, ທ່ານ ຫງວຽນທ້ຽນເຍີນ ກໍລົງຢ້ຽມຢາມ ແລະ ມອບຂອງຂວັນໃຫ້ບັນດາຄອບຄົວຊາວເຜົ່າຂະແມຢູ່ຕາແສງ ຊວນແຄງ ເມືອງນີງກຽວ ນະຄອນເກີນເທີ.