ປະທານຄະນະກຳມະການສູນກາງແນວໂຮມປະເທດຊາດຫວຽດນາມຮຽກຮ້ອງການສະໜັບສະໜູນຜູ້ປະສົບພາຍຸນ້ຳຖ້ວມ
(vovworld) - ວັນທີ 20/12, ຢູ່ ຮ່າໂນ້ຍ, ຄະນະປະຈຳ ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຈັດພິທີປຸກລະດົມການບໍລິຈາກສະໜັບສະໜູນປະຊາຊົນຢູ່ທິດໃຕ້ພາກກາງແກ້ໄຂຜົນຮ້າຍຈາກຝົນຕົກນຳ້ຖ້ວມ. ທ່ານ ຫງວຽນທ້ຽນເຍິນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຮຽກຮ້ອງປະຊາຊົນ, ນັກຮົບໃນທົ່ວປະເທດ, ບັນດາອົງການສະມາຊິກຂອງແນວໂຮມປະເທດຊາດ ຫວຽດນາມ, ບັນດານັກໃຈບຸນ, ຊາວ ຫວຽດນາມ ຢູ່ຕ່າງປະເທດ, ບັນດາອົງການຈັດຕັ້ງສາກົນ ໃຫ້ການຊ່ວຍເຫຼືອປະຊາຊົນບັນດາແຂວງທີ່ປະສົບຜົນຮ້າຍຢ່າງໜັກໜ່ວງຍ້ອນນຳ້ແກ່ງຖ້ວມກໍ່ຂຶ້ນ ເພື່ອຟື້ນຟູການຜະລິດ, ເຮັດໃຫ້ຊີວິດການເປັນຢູ່ກັບຄືນສູ່ສະພາບເປັນປົກກະຕິໂດຍໄວ.
ທີ່ພິທີ, ໂດຍຕອບສະໜອງຄຳຮຽກຮ້ອງຂອງຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຈຳນວນເງິນບໍລິຈາກ ແລະ ຈົດທະບຽນບໍລິຈາກຂອງບັນດາກະຊວງ, ຂະແໜງການ, ອົງການຈັດຕັ້ງມະຫາຊົນ, ອົງການການເມືອງ - ສັງຄົມແມ່ນ 8 ຕື້ກວ່າດົ່ງ ແລະ 9,8 ພັນ USD. ຄາດຄະເນວ່າ, ຝົນຕົກນ້ຳແກ່ງຜ່ານມາໄດ້ເຮັດໃຫ້ 59 ຄົນ ເສຍຊີວິດ, ແລະ ຫາຍສາບສູນ, 22 ຄົນໄດ້ຮັບບາດເຈັບ. ສະເພາະຄວາມເສຍຫາຍກ່ຽວກັບເຮືອນຊານຂອງປະຊາຊົນແມ່ນກວ່າ 2 ພັນຕື້ດົ່ງ. ປະຊາຊົນນັບລ້ານຄົນຕົກເຂົ້າສູ່ສະພາບຫຍຸ້ງຍາກຕ້ອງການໄດ້ຮັບການຊ່ວຍເຫຼືອ.