(vovworld) - ຕອນເຊົ້າວັນທີ 07/10, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ມີການເຮັດວຽກກັບການນຳແຂວງ ບິ່ງທ້ວນ ກ່ຽວກັບສະພາບການພັດທະນາເສດຖະກິດ, ສັງຄົມ ຕິດພັນກັບວຽກງານແນວໂຮມຢູ່ທ້ອງຖິ່ນ. ກ່າວຄຳເຫັນທີ່ການເຮັດວຽກ, ທ່ານ ຫງວຽນທ້ຽນເຍີນ ຊີ້ແຈ້ງວ່າ, ໃນໄລຍະຈະມາເຖິງ, ແຂວງຕ້ອງສະຫຼຸບບັນດາຮູບແບບ ເພື່ອສືບຕໍ່ມີບັນດາມາດຕະການແກ້ໄຂຢ່າງມີປະສິດທິຜົນກວ່າຄືການກໍ່ສ້າງລະບົບນຳໃຊ້ນ້ຳຄືນໃໝ່; ພ້ອມທັງ ຕ້ອງສົມທົບກັບສະຫະພັນບັນດາອົງການຈັດຕັ້ງວິທະຍາສາດເຕັກໂນໂລຊີ, ພະແນກວິທະຍາສາດ ແລະ ເຕັກໂນໂລຊີ ຄົ້ນຄວ້າລະບົບເກັບຮັກສານ້ຳ, ນຳໃຊ້ນ້ຳຄືນໃໝ່. ທ່ານ ຫງວຽນທ້ຽນເຍີນ ຊີ້ແຈ້ງວ່າ: ໜຶ່ງໃນບັນດາທ່າແຮງຂອງແຂວງບິ່ງທ້ວນ ນັ້ນແມ່ນມີລະບົບຊີວະພາບທະເລ ຕິດພັນກັບບັນດາເຂດປູຊະນີຍະສະຖານປະຫວັດສາດ, ສະຖານທີ່ທ່ອງທ່ຽວທີ່ມີຊື່ສຽງ. ໃນນັ້ນ, ແຂວງຕ້ອງເສີມຂະຫຍາຍຄວາມສາມາດບົ່ມຊ້ອນ, ທ່າແຮງຂອງຕົນ ເພື່ອພັດທະນາແນວພັນສິນທະເລ, ສ້າງເຄື່ອງໝາຍການຄ້າເພື່ອກາຍເປັນແຂວງທີ່ມີກຳລັງຫຼັກແຫຼ່ງໃນການພັດທະນາກະສິກຳ; ສືບຕໍ່ເອົາໃຈໃສ່, ລົງທຶນ, ສ້າງຍຸດທະສາດພັດທະນາການບໍລິການດ້ານການທ່ອງທ່ຽວ…