(vovworld) - ເນື່ອງໃນໂອກາດສະເຫຼີມສະຫຼອງ 103 ປີແຫ່ງວັນແມ່ຍິງສາກົນ (8/3), ວັນທີ 5/3, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຮິ່ງດາມ ໄດ້ສົງຈົດໝາຍອວຍພອນ ຄະນະບໍລິຫານງານສູນກາງ ສະຫະພັນ ແມ່ຍິງ ຫວຽດນາມ, ຄະນະກຳມະການແຫ່ງຊາດ ເພື່ອຄວາມກ້າວໜ້າແມ່ຍິງ ຫວຽດນາມ, ບັນດາ ແມ່ ຫວຽດນາມ ວິລະຊົນ, ວິລະຊົນກຳລັງປະກອບອາວຸດ ຍິງ, ວິລະຊົນແຮງງານ ຍິງ, ພ້ອມທັງພະນັກງານ, ສະມາຊິກ ແລະ ແມ່ຍິງ ຫວຽດນາມ ທັງຢູ່ພາຍໃນ ແລະ ຕ່າງປະເທດ. ໃນຈົດໝາຍ, ທ່ານ ປະທານ ຮິ່ງດາມ ໄດ້ສະແດງຄວາມເອກອ້າງທະນົງໃຈ ກ່ຽວກັບມູນເຊື້ອອັນດີງາມຂອງແມ່ຍິງ ຫວຽດນາມ, ຕີລາຄາສູງບັນດາຄວາມມານະພະຍາຍາມສູ້ຊົນ ແລະ ປະກອບສ່ວນຢ່າງແທດຈິງຂອງແມ່ຍິງ ໃນທຸກໆການດຳລົງຊີວິດສັງຄົມ. ທ່ານ ຮິ່ງດາມ ເຊື່ອໝັ້ນວ່າ: ຄະນະກຳມະການແຫ່ງຊາດ ເພື່ອຄວາມກ້າວໜ້າຂອງ ແມ່ຍິງ ຫວຽດນາມ ຍາມໃດກໍ່ສາມັກຄີ, ມີຫົວຄິດປະດິດສ້າງ, ມານະພະຍາຍາມສູ້ຊົນບື່ນຕົວຂຶ້ນ, ປະກອບສ່ວນຢ່າງແທດຈິງເຂົ້າໃນພາລະກິດສະເໝີພາບ, ເພິ່ມທະວີ ແລະ ເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດ, ຍູ້ແຮງພາລະກິດປ່ຽນແປງໃໝ່ຂອງປະເທດຊາດຢ່າງຮອບດ້ານ, ເພື່ອ “ປະຊາຊົນຮັ່ງມີ, ປະເທດຊາດ ເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ” ແລະ ປະກອບສ່ວນເຂົ້າພາລະກິດກ້າວໜ້າຂອງແມ່ຍິງ ໂລກ.