(vovworld) - ວັນທີ 26/6, ທ່ານປະທານາທິບໍດີ ລັດເຊຍ Vladimir Putin ໄດ້ຢັ້ງຢືນຄືນໃໝ່ແຜນນະໂຍບາຍພັດທະນາພະລັງງານນິວເຄຼຍຂອງ ລັດເຊຍ, ເນັ້ນໜັກວ່າ ມົດສະກູ ມີບັນດາແຜນການຢ່າງເຂັ້ມງວດໃນຂົງເຂດນີ້. ກ່າວຄຳເຫັນທີ່ການຕ້ອນຮັບທ່ານ Yukiya Amano, ຜູ້ອຳນວຍການໃຫຍ່ອົງການພະລັງງານປະລະມານູສາກົນ (IAEA), ຢູ່ ມົດສະກູ ໃນວັນດຽວກັນ, ທ່ານປະທານາທິບໍດີ Vladimir Putin ໃຫ້ຮູ້ວ່າ: ໃນຊຸມປີຈະມາເຖິງ, ມົດສະກູ ມີແຜນການເພີ່ມທະວີໄຟຟ້າ ນິວເຄຼຍ, ພ້ອມທັງນຳໃຊ້ບັນດາເຕັກໂນໂລຢີທີ່ທັນສະໄໝ ແລະ ປອດໄພທີ່ສຸດ. ຕາມທ່ານແລ້ວ, ລັດເຊຍມີແຜນນະໂຍບາຍພັດທະນາໄຟຟ້າ ນິວເຄຼຍ ບົນພື້ນຖານບັນດາເຕັກໂນໂລຢີໄລຍະຫຼັງເຫດການ Fukushima, ສ້າງຄວາມປອດໄພຢ່າງສຸງສຸດໃຫ້ແກ່ການນຳໃຊ້ພະລັງງານນິວເຄຼຍເພື່ອຈຸດປະສົງສັນຕິພາບ.