(ທ່ານປະທານປະເທດ ເຈືອງເຕີ໋ນຊາງ ພົບປະກັບບັນດາຜູ້ແທນ
ເຂົ້າຮ່ວມກອງປະຊຸມ ອາຊີ - ປາຊີຟິກ ສາມັກຄີກັບ ກູບາ ຄັ້ງທີ 7)
(vovworld) - ຕອນບ່າຍວັນທີ 9/9, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ພົບປະກັບບັນດາຜູ້ແທນເຂົ້າຮ່ວມກອງປະຊຸມ ອາຊີ - ປາຊີຟິກ ສາມັກຄີກັບ ກູບາ ຄັ້ງທີ 7. ທ່ານປະທານປະເທດ ເຈືອງເຕີ໋ນຊາງ ຊົມເຊີຍ ແລະ ຕີລາຄາສູງຜົນສຳເລັດຂອງກອງປະຊຸມ ພ້ອມທັງເນັ້ນໜັກວ່າ: ນີ້ແມ່ນເຫດການມີຄວາມໝາຍແທ້ຈິງ ສະແດງໃຫ້ເຫັນການສະໜັບສະໜູນອັນໃຫຍ່ຫລວງສຳລັບພາລະກິດຕໍ່ສູ້ເປັນທຳ ເພື່ອເອກະລາດ ອະທິປະໄຕ ແລະ ສິດຕັດສິນດ້ວຍຕົນເອງຂອງປະຊາຊົນ ກູບາ, ເພ່ີມທະວີການຮ່ວມມືລະຫວ່ງບັນດາອົງການມິດຕະພາບສາມັກຄີກັບ ກູບາ ຢູ່ ອາຊີ - ປາຊີຟິກ. ທ່ານປະທານປະເທດ ມີຄວາມເຊື່ອໝັ້ນວ່າ: ພາລະກິດເປັນທຳຂອງປະເທດ ກູບາ ຈະສືບຕໍຍາດໄດ້ໄຊຊະນະຫລາຍຢ່າງ ແລະ ນັບມື້ນັບຍົກທີ່ຕັ້ງບົດບາດໃນພາກພື້ນ ແລະ ໂລກ