(vovword)- ຕອນບ່າຍວັນທີ 28/5 ຢູ່ ຮ່າໂນ້ຍ, ທ່ານປະທານປະເທດ ຫວຽດນາມ Truong Tan Sang ໄດ້ໃຫ້ການຕ້ອນຮັບບັນດາທ່ານເອກອັກຄະລັດຖະທູດ ປະເທດ ອີຣານ, ໂມຊຳບິກ, ຈໍເຈຍ, ເອທີໂອປີ, ເອຣີເຕຣຍ ເຂົ້າຍື່ນສານຕາຕັ້ງເມື່ອມາຮັບຫນ້າທີ່ການທູດຢູ່ ຫວຽດນາມ. ທີ່ການຕ້ອນຮັບ, ທ່ານປະທານປະເທດ Truong Tan Sang ຢືນຢັນວ່າ: ໃນນະໂຍບາຍພົວພັນຕ່າງປະເທດ ຂອງ ຫວຽດນາມ ຍາມໃດກໍຖືການພັດທະນາການພົວພັນກັບບັນດາປະເທດໃນໂລກເປັນສຳຄັນ, ໃນນັ້ນ ມີ ອີຣານ, ໂມຊຳບິກ, ຈໍເຈຍ, ເອທີໂອປີ, ເອຣີເຕຣຍ. ທ່ານປະທານປະເທດເຊື່ອໝັ້ນວ່າ: ຫວຽດນາມ ແລະ ບັນດາປະເທດເຫລົ່ານີ້ ຈະສືບຕໍ່ສະຫນັບສະຫນູນເຊິ່ງກັນ ແລະ ກັນ ໃນບັນດາເວທີປາໄສພາກພື້ນ ແລະ ສາກົນ, ພ້ອມກັນເພີ່ມທະວີການຮ່ວມມືໃນທຸກຂົງເຂດ, ໂດຍສະເພາະແມ່ນເສດຖະກິດ, ການຄ້າ ແລະ ການລົງທຶນ