(vovworld) - ຕອນເຊົ້າວັນທີ 15/8, ຢູ່ສຳນັກງານປະທານປະເທດທີ່ຮ່າໂນ້ຍ, ທ່ານປະທານປະເທດ Truong Tan Sang ໄດ້ໃຫ້ການຕ້ອນຮັບບັນດາເອກອັກຄະລັດຖະທູດ ສ. ສິງກາໂປ, ສ. Gabong, ສ. Sierra Leone, ສະຫະພັນ Micronesia, ສ Kzakhstan ແລະ ສ Azerbaijan ເຂົ້າຢືນສານຕາຕັ້ງຮັບວຽກງານໃໝ່ຢູ່ຫວຽດນາມ. ທີ່ການຕ້ອນຮັບເອກອັກຄະລັດຖະທູດ ສິງກາໂປ Simon Ngteck Hean, ທ່ານປະທານປະເທດຫວຽດນາມ Truong Tan Sang ສະແດງຄວາມຫວັງວ່າ 2 ຝ່າຍຈະຈັດຕັ້ງການເຄື່ອນໄຫວຫຼາຍຢ່າງ, ມີຂໍ້ລິເລີ່ມລະອຽດ, ແທດຈິງຫຼາຍຢ່າງ ເພື່ອຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ ແລະ ມຸ້ງໄປເຖິງການສ້າງປະຊາຄົມ ອາຊຽນໃນປີ 2015.
ອວຍພອນໃຫ້ທ່ານ ເອກອັກຄະລັດຖະທູດ Gabong Jean Robert Goulong Gana ມາປະຕິບັດໜ້າທີ່ການທູດຢູ່ຫວຽດນາມ, ທ່ານປະທານປະເທດ Truong Tan Sang ຫວັງວ່າ: ດ້ວຍບົດບາດສຳຄັນຂອງ Gabong ຢູ່ເຂດ ອາບຝຣີກາ, ທ່ານ ເອກອັກຄະລັດຖະທູດ ຈະປະກອບສ່ວນຊຸກຍູ້ການຮ່ວມມືລະຫວ່າງຫວຽດນາມ ກັບ Gabong ແລະ ພາກພື້ນ. ທ່ານປະທານປະເທດ ຖືວ່າ: 2 ຝ່າຍຄວນສ້າງສຳເລັດບັນດາສັນຍາເພື່ອເປີດຊ່ອງທາງໃຫ້ແກ່ການຮ່ວມມືຢ່າງມີປະສິດທິຜົນ.
ເມື່ອໃຫ້ການຕ້ອນຮັບທ່ານເອກອັກຄະລັດຖະທູດ Sierra Leone Abubakarr Multi Kamara, ທ່ານປະທານປະເທດ ຖືວ່າ: 2 ປະເທດມີຄວາມສາມາດບົ່ມຊ້ອນຫຼາຍຢ່າງ ເພື່ອຮ່ວມມືກ່ຽວກັບດ້ານການຄ້າ, ກະສິກຳ, ສາທາລະນະສຸກ. ທ່ານປະທານປະເທດ ຢືນຢັນວ່າ: ຫວຽດນາມ ພ້ອມແລ້ວທີ່ຈະແບ່ງປັນບົດຮຽນໃນການລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ແລະ ຊ່ວຍເຫຼືອ Sierra Leone ໃນການພັດທະນາເສດຖະກິດ, ຄ້ຳປະກັນດ້ານສະບຽງອາຫານ.
ສ່ວນໃນການຕ້ອນຮັບທ່ານເອກອັກຄະລັດຖະທູດ Kzakhstan Yermekbayev, ທ່ານປະທານປະເທດສະແດງຄວາມຫວັງວ່າ: ຫວຽດນາມ ຈະເຊັນສັນຍາການຄ້າເສລີ ກັບ Kzakhstan ໂດຍໄວ, ພ້ອມທັງເປີດສາຍການບິນລະຫວ່າງ 2 ປະເທດ ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ການຮ່ວມມື 2 ຝ່າຍໃນໄລຍະຈະມາເຖິງ.
ຊົມເຊີຍທ່ານ ເອກອັກຄະລັດຖະທູດ Azerbaijan Latif Oglu Gandilov ທີ່ມາປະຕິບັດໜ້າທີ່ການທູດຢູ່ຫວຽດນາມ, ທ່ານປະທານປະເທດ Truong Tan Sang ຫວັງວ່າ: ທ່ານ ເອກອັກຄະລັດຖະທູດ ຈະຊຸກຍູ້ການພົວພັນລະຫວ່າງ 2 ປະເທດຢ່າງແຮງກ່ວາອີກ, ໃນສະພາບການທີ່ປີ 2013, 2 ຝ່າຍຈະສະເຫຼີມສະຫຼອງ 20 ປີແຫ່ງວັນສ້າງຕັ້ງສາຍພົວພັນທາງການທູດ.