(vovworld) - ຕອນຄໍ່າວັນທີ 13/10, ເນື່ອງໃນໂອກາດວັນນັກທຸລະກິດຫວຽດນາມ, ທ່ານປະທານປະເທດຫວຽດນາມ Truong Tan Sang ໄດ້ມີການພົບປະກັບຜູ້ແທນ 100 ຄົນເຊິ່ງຕາງໜ້າໃຫ້ບັນດາສະມາຄົມນັກທຸລະກິດຫວຽດນາມ ດີເດັ່ນ. ຮັບຟັງ ແລະ ແບ່ງປັນຄວາມຫວັງຂອງບັນດານັກທຸລະກິດ, ທ່ານປະທານປະເທດ Truong Tan Sang ໄດ້ຍ້ອງຍໍຊົມເຊີຍບັນດາການອຸທິດສ່ວນຂອງວົງການນັກທຸລະກິດຫວຽດນາມ ໃນໄລຍະຜ່ານມາ ແລະ ຢືນຢັນວ່າ, ໃນແຕ່ລະໄລຍະທາງປະຫວັດສາດຂອງປະເທດຊາດ, ດ້ວຍຜົນສຳເລັດແຕ່ລະຢ່າງ, ລ້ວນແຕ່ມີການປະກອບສ່ວນທີ່ໃຫຍ່ຫຼວງຂອງບັນດານັກທຸລະກິດ ແລະ ວິສາຫະກິດ. ທ່ານປະທານປະເທດໄດ້ເນັ້ນໜັກວ່າ, ໃນບັນດາເອກະສານ, ມະຕິສຳຄັນຂອງພັກ, ກໍລ້ວນແຕ່ຕີລາຄາສູງບົດບາດທີ່ຕັ້ງຂອງວິສາຫະກິດ ແລະ ນັກທຸລະກິດ.
ທ່ານປະທານປະເທດໄດ້ຖືວ່າ, ດ້ວຍສະພາບການທີ່ຊີວິດສັງຄົມໄດ້ຮັບການຮັບປະກັນ, ໄຟເງິນເຟີ້ໄດ້ຮັບການຄອບຄຸມ, ການຜະລິດດຳເນີນທຸລະກິດໄດ້ມີບາດກ້າວພັດທະນາໂດຍພື້ນຖານ, ກໍຍ້ອນມີການປະກອບສ່ວນຄວາມມານະພະຍາຍາມຂອງນັກທຸລະກິດ. ໃນສະພາບການເຊື່ອມໂຍງເຂົ້າກັບພາກພື້ນ ແລະ ສາກົນ ທີ່ນັບມື້ນັບເລິກເຊິ່ງ ແລະ ກວ້າງຂວາງ ພວມວາງອອກບັນດາໜ້າທີ່ອັນຮີບດ່ວນໃຫ້ວົງການນັກທຸລະກິດ, ທ່ານປະທານປະເທດ ໄດ້ຢືນຢັນວ່າ ພັກ, ລັດ ຈະສືບຕໍ່ມີມາດຕະການແກ້ໄຂ ແລະ ຊ່ວຍວິສາຫະກິດຜ່ານຜາຄວາມຫຍຸ້ງຍາກເທື່ອລະກ້າວ.