(vovworld) - ຕອນເຊົ້າວັນທີ 11/11, ທ່ານປະທານປະເທດ Truong Tan Sang ໄດ້ເຂົ້າຮ່ວມວັນບຸນສາມັກຄີທົ່ວປວງຊົນທັງຊາດ (18/11) ຢູ່ຄຸ້ນຖະໜົນ 3, ຕາແສງ 5, ເມືອງ 2, ນະຄອນໂຮ່ຈິມິນ. ກ່າວຄຳເຫັນນະທີ່ນີ້, ທ່ານປະທານປະເທດ Truong Tan Sang ໄດ້ຍ້ອງຍໍສັນລະເສີນ, ອວຍພອນບັນດາຜົນງານເຊິ່ງຄຸ້ນຖະໜົນ 3, ຕາແສງ 5, ເມືອງ 2 ບັນລຸໄດ້ໃນວຽກງານລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ປະຕິບັດປະຊາທິປະໄຕ, ສ້າງຊີວິດວັດທະນະທຳຢູ່ຂັ້ນຮາກຖານ. ທ່ານປະທານປະເທດ Truong Tan Sang ເວົ້າວ່າ.
“ຂ້າພະເຈົ້າສະເໜີໃຫ້ພໍ່ແມ່ປະຊາຊົນຢູ່ຄຸ້ນຖະໜົນ, ການນຳນະຄອນ, ຕາແສງ, ບ້ານ… ໄດ້ຊາບຊືມແນວຄິດຂອງປະທານໂຮ່ຈິມິນ ມີຄວາມຄິດ ແລະ ການກະທຳຄືລຸງໂຮ່, ໂດຍສະເພາະແມ່ນໃນສະຖານະການທີ່ຫຍຸ້ງຍາກ. ຂ້າພະເຈົ້າຫວັງວ່າ ແຕ່ລະເທື່ອເມື່ອປະສົບກັບຄວາມຫຍຸ້ງຍາກຄືແນວນັ້ນ, ພໍແມ່ພີນ້ອງ, ບັນດາສະຫາຍ, ໝູ່ປະຊາຊົນ ຈະປະກອບຄວາມເຫັນທີ່ມີຫົວຄິດປະດິດສ້າງໃຫ້ແກ່ພວກຂ້າພະເຈົ້າ… ໃນວິວັດແຫ່ງການສ້າງສາປະເທດຊາດ, ກໍ່ສ້າງພັກ, ອຳນາດການປົກຄອງ ບໍ່ພຽງແຕ່ກົນການເມືອງ, ຄະນະບໍລິຫານງານສູນກາງເທົ່ານັ້ນ, ຫາກທົ່ວປວງຊົນ ແລະ ທົ່ວກອງທັບເຂົ້າຮ່ວມອີກດ້ວຍ”.
ທ່ານປະທານປະເທດ Truong Tan Sang ໄດ້ມອບຂອງຂວັນໃຫ້ຜູ້ຕາງໜ້າຄຸ້ມຖະໜົນ, ບັນດາຄອບຄົວທີ່ປະສົບກັບຄວາມຫຍຸ້ງຍາກ ແລະ ບັນດາຄອບຄົວດີເດັ່ນໃນຂະບວນການຕ່າງໆຢູ່ທ້ອງຖິ່ນ.