ປະທານປະເທດ ຫວຽດນາມ ຫວໍວັນເຖືອງ ເລີ່ມຕົ້ນລາຍການເຂົ້າຮ່ວມກອງປະຊຸມສຸດຍອດເວທີປາໄສ ຮ່ວມມືສາກົນ “ໜຶ່ງແລວ, ໜຶ່ງເສັ້ນທາງ” ຄັ້ງທີ 3 ຢູ່ ຈີນ
(VOVWORLD) - ຕອນບ່າຍວັນທີ 17 ຕຸລາ, ທ່ານປະທານປະເທດ ຫວຽດນາມ ຫວໍວັນເຖືອງ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ, ໄດ້ໄປຮອດສະໜາມບິນນະຄອນຫຼວງ ປັກກິ່ງ, ຈີນ, ເລີ່ມຕົ້ນບັນດາການເຄື່ອນໄຫວເຂົ້າຮ່ວມເວທີປາໄສຂັ້ນສູງກ່ຽວກັບການຮ່ວມມືສາກົນ “ໜຶ່ງແລວ, ໜຶ່ງເສັ້ນທາງ” ຄັ້ງທີ 3, ເຊິ່ງໄດ້ດໍເນີນແຕ່ວັນທີ 17 – 20 ຕຸລາ.
 ພະນັກງານສະຖານທູດ ແລະ ປະຊາຄົມຊາວ ຫວຽດນາມ ອາໄສຢູ່ປັກກິ່ງ ຕ້ອນຮັບທ່ານປະທານປະເທດ ຫວໍວັນເຖືອງ ຢູ່ ສະໜາມບິນສາກົນ ປັກກິ່ງ (ພາບ: VOV) |
ຕາມວາລະດຳເນີນກອງປະຊຸມແລ້ວ, ທ່ານປະທານປະເທດ ຫວຽດນາມ ຫວໍວັນເຖືອງ ເຂົ້າຮ່ວມພິທີໄຂກອງປະຊຸມສຸດຍອດ ເວທີປາໄສຂັ້ນສູງ ຮ່ວມມືສາກົນ “ໜຶ່ງແລວ, ໜຶ່ງເສັ້ນທາງ” ຄັ້ງທີ 3 ໂດຍທ່ານເລຂາທິການໃຫຍ່, ປະທານປະເທດ ຈີນ ສີຈີນຜິງ ເປັນປະທານ; ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມສຸດຍອດ ດ້ວຍຫົວຂໍ້: ເສດຖະກິດດີຈີຕອນ - ກຳລັງໜູນໃໝ່ຂອງການເຕີບໂຕ; ເຂົ້າຮ່ວມງານລ້ຽງຕ້ອນຮັບບັນດາຫົວໜ້າຄະນະ ແລະ ພັນລະຍາການນຳບັນດາປະເທດ ໂດຍທ່ານເລຂາທິການໃຫຍ່, ປະທານປະເທດ ຈີນ ແລະ ພັນລະຍາເປັນປະທານ.
ທ່ານປະທານປະເທດ ຫວໍວັນເຖືອງ ຈະມີການພົບປະສອງຝ່າຍສຳຄັນກັບການນຳບັນດາປະເທດ, ບັນດາອົງການຈັດຕັ້ງສາກົນ ທີ່ເຂົ້າຮ່ວມເວທີປາໄສຄັ້ງນີ້, ເປັນຕົ້ນແມ່ນທ່ານປະທານາທິບໍດີ ລັດເຊຍ Vladimir Putin; ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ…
ທ່ານປະທານປະເທດ ຫວໍວັນເຖືອງ ກໍຈະມີຫຼາຍການພົບປະສອງຝ່າຍກັບການນຳຈີນ ອີກດ້ວຍ.
ຫວູຢຸງ - ບິກທ້ວນ