ປະທານປະເທດ ເຈືອງເຕີນຊາງ ຕ້ອນຮັບ ຊາວໜຸ່ມກຸ່ມວິສາຫະກິດ ສູນກາງ
(ທ່ານປະທານປະເທດ ເຈືອງເຕີນຊາງ)
(vovworld) – ຕອນບ່າຍວັນທີ 27/05, ທ່ານປະທານປະເທດ ເຈືອງເຕີນຊາງ ໄດ້ໃຫ້ການຕ້ອນຮັບຄະນະຜູ້ແທນຊາວໜຸ່ມກຸ່ມວິສາຫະກິດສູນກາງ ປະຕິບັດຕາມຄຳສັ່ງສອນຂອງລຸງໂຮ່. ກ່າວຄຳເຫັນຢູ່ທີ່ນີ້, ທ່ານປະທານປະເທດ ເຈືອງເຕີນຊາງ ປາດຖະໜາວ່າ ບັນດາຜູ້ແທນຊາວໜຸ່ມສືບຕໍ່ມີບັນດາການປະກອບສ່ວນໃຫ້ແກ່ພື້ນຖານເສດຖະກິດຂອງປະເທດຊາດ, ພິເສດແມ່ນບັນດາຂົງເຂດທີ່ກ່ຽວຂ້ອງເຖິງຍຸດທະສາດທະເລຂອງຫວຽດນາມ. ທ່ານປະທານປະເທດ ເຈືອງເຕີນຊາງ ເຊື່ອໝັ້ນວ່າ ຜູ້ແທນ 60 ຄົນທີ່ຕາງໜ້າໃຫ້ມູນເຊື້ອ 60 ປີແຫ່ງໄຊຊະນະດ້ຽນບຽນຝູ ຈະເສີມຂະຫຍາຍມູນເຊື້ອວິລະຊົນຂອງຊາດ, ສືບທອດນ້ຳໃຈອົງອາດກ້າຫານໃຫ້ຊາວໜຸ່ມທົ່ວປະເທດ. ທ່ານປະທານປະເທດ ເນັ້ນໜັກວ່າ: ຊາວໜຸ່ມ ລຸນໃດກໍ່ແມ່ນເສົ້າຄ້ຳຂອງປະເທດຊາດ, ເພາະສະນັ້ນ, ກຳລັງຊາວໜຸ່ມຕ້ອງນຳໜ້າ ເປັນແບບຢ່າງພ້ອມກັບທົ່ວປະເທດເສີມຂະຫຍາຍຈິດໃຈປະຈັນບານ, ຫັນເປັນກຳລັງແຮງດ້ານວັດຖຸ… ເພື່ອສ້າງສາ ແລະ ພັດທະນາປະເທດຊາດ, ສົມເປັນບັນດາເຈົ້າຂອງປະເທດຊາດໃນອະນາຄົດ.