(vovworld) - ເນື່ອງໃນໂອກາດບຸນໄຫວ້ພະຈັນ 2013, ທ່ານປະທານປະເທດ ເຈືອງເຕີນຊາງ ໄດ້ຝາກຈົດໝາຍໃຫ້ໄວໜຸ່ມເຍົາວະຊົນ ທັງຢູ່ພາຍໃນ ແລະ ຕ່າງປະເທດ. ໃນຈົດໝາຍ, ທ່ານປະທານປະເທດ ຢືນຢັນວ່າ ຍາມໃດ ພັກ, ລັດຫວຽດນາມ, ໂຮງຮຽນ, ຄອບຄົວ ແລະ ສັງຄົມ ກໍ່ສະຫງວນໃຫ້ບັນດາໄວໜຸ່ມເຍົາວະຊົນ ຄວາມເອົາໃຈໃສ່, ເບິ່ງແຍງເປັນຢ່າງດີທີ່ສຸດ. ທ່ານປະທານປະເທດ ປາດຖະໜາວ່າ ຍາມໃດບັນດາໄວໜຸ່ມເຍົາວະຊົນ ກໍ່ສາມັກຄີ, ຮູ້ຄວາມ, ຮຽນເກັ່ງ, ຮັກແພງ, ຊ່ວຍເຫຼືອເຊິ່ງກັນ ແລະກັນພ້ອມກັນກ້າວຂຶ້ນ, ເພື່ອໃນອະນາຄົດ ປະກອບສ່ວນສ້າງສາບ້ານເກີດເມືອງນອນ, ປະເທດຊາດ. ເນື່ອງໃນໂອກາດນີ້, ທ່ານປະທານປະເທດສະເໜີໃຫ້ອົງຄະນະພັກ, ອຳນາດການປົກຄອງ, ບັນດາອົງການມະຫາຊົນທຸກຂັ້ນ ແລະ ພໍ່ແມ່ນັກຮຽນ ສືບຕໍ່ເອົາໃຈໃສ່ຮັກສາ ແລະ ເສີມຂະຫຍາຍຈຸດທີ່ດີງາມຂອງວັດທະທະທຳທີ່ເປັນມູນເຊື້ອຂອງບຸນໄຫວ້ພະຈັນ, ປະຕິບັດວຽກງານສຶກສາ, ເບິ່ງແຍງ, ດູແລ ແລະ ປົກປັກຮັກສາ ເປັນຢ່າງດີ, ປະຕິບັດສິດຂອງເດັກຢ່າງຄົບຖ້ວນກວ່າ.