ປະທານປະເທດ ເຈືອງເຕີນຊາງ ຢ້ຽມຢາມ ແລະ ເຮັດວຽກຢູ່ແຂວງ ກວາງນິງ
(ທ່ານປະທານປະເທດ ເຮັດວຽກຢູ່ແຂວງ ກວາງນິງ)
(vovworld) – ໂດຍສືບຕໍ່ການໄປປະຕິບັດງານຢູ່ແຂວງກວາງນິງ, ຕອນເຊົ້າວັນທີ 27/07, ທ່ານປະທານປະເທດຫວຽດນາມ ເຈືອນເຕີນຊາງ ພ້ອມກັບການນຳບັນດາກະຊວງ, ຂະແໜງການຕ່າງໆຂັ້ນສູນກາງ ລົງໄປຊອກຮູ້ການເຄື່ອນໄຫວຢູ່ທ່າກຳປັ່ນ Container ສາກົນ ກ໋າຍເລີນ ແລະ ຢ້ຽມຢາມ, ໂອ້ລົມກັບພະນັກງານ, ກຳມະກອນບໍລິສັດຕໍ່ກຳປັ່ນ ຮ້າລອງ ຈຳກັດ ແລະ ພະນັກງານສັງກັດກຳປັ່ນກວດກາການປະມົງ 782.
ເມື່ອຢ້ຽມຢາມບໍລິສັດທ່າກຳປັ່ນ Container ສາກົນ ກ໋າຍເລີນ ຈຳກັດ, ທ່ານປະທານປະເທດ ເຈືອງເຕີນຊາງ ສະເໜີບັນດາຂົງເຂດໃດ ທີ່ຕ້ອງໄດ້ຮັບການລົງທຶນຈາກລັດນັ້ນ, ການນຳບັນດາກະຊວງ, ຂະແໜງການ ແລະ ທ້ອງຖິ່ນຄວນແລກປ່ຽນສຸມໃສ່ແກ້ໄຂໂດຍທັນທີ.
ຕໍ່ຈາກນັ້ນ, ທ່ານປະທານປະເທດ ໄດ້ຢ້ຽມຢາມກຳປັ່ນກວດກາການປະມົງ 782 ແລະ ໂອ້ລົມກັບພະນັກງານ, ພາລະກອນບໍລິສັດຕໍ່ກຳປັ່ນ ຮ້າລອງ ເຊິ່ງເປັນຫົວໜ່ວຍຫາກໍ່ຕໍ່ກຳປັ່ນກວດກາການປະມົງ 782 ລຳໃໝ່ທີ່ທັນສະໄໝສຳເລັດ ແລະ ຫາກໍ່ໄດ້ມອບໃຫ້ກຳລັງກວດກາການປະມົງ ເພື່ອຕອບສະໜອງຄວາມຮຽກຮ້ອງຂອງໜ້າທີ່ໃນສະພາບການໃໝ່. ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ໂຮງງານຕໍ່ກຳປັ່ນຮ້າລອງ ຕ້ອງເປີດກວ້າງຕະຫຼາດຮ່ວມມືກັບບັນດາຄູ່ຮ່ວມມືຍຸດທະສາດໃນໂລກ ເພື່ອນຳໃຊ້ທ່າແຮງດ້ານເຄື່ອງໝາຍການຄ້າ, ບົດຮຽນຄຸ້ມຄອງ ແລະ ລະດັບເຕັກນິກຂອງເຂົ້າເຈົ້າເພື່ອສ້າງຜະລິດຕະພັນທີ່ມີຊື່ສຽງ ແລະ ມີຄຸນນະພາບ.
ແລະ ກໍ່ໃນຕອນເຊົ້າວັນທີ 27/07, ທ່ານປະທານປະເທດ ເຈືອງເຕີນຊາງ ແລະ ຄະນະປະຕິບັດງານໄດ້ລົງຢ້ຽມຢາມ ສູນກາງປົກຄອງແຂວງກວາງນິງ ອີກດ້ວຍ.
ກ່ອນໜ້ານັ້ນ, ທ່ານປະທານປະເທດ ເຈືອງເຕີນຊາງ ແລະ ຄະນະປະຕິບັດງານສູນກາງ ໄດ້ລົງຢ້ຽມຢາມ, ກວດກາຢູ່ເມືອງເກາະ ໂກໂຕ ແລະ ເກາະ ຫງອກເວີນ ເມືອງເວີນດົ່ນ. ທີ່ຕາແສງຫງອກເວີນ, ທ່ານປະທານປະເທດໄດ້ເນັ້ນໜັກວ່າ ທະຫານ ແລະ ປະຊາຊົນໃນເກາະ ຕ້ອງສາມັກຄິກັນ, ເປັນເຈົ້າການພ້ອມກັນອຳນາດການປົກຄອງຊອກຫາທິດທາງທີ່ເໝາະສົມເພື່ອກໍ່ສ້າງຕາແສງເກາະໃຫ້ຮັບມື້ນັບຮັ່ງມີເຂັ້ມແຂງ, ໂດຍສະເພາະແມ່ນທ່າແຮງກ່ຽວກັບເສດຖະກິດທະເລ ເພື່ອຍົກສູງຊີວິດການເປັນຢູ່, ພ້ອມທັງປະກອບສ່ວນຮັບປະກັນການປ້ອງກັນຊາດປ້ອງກັນຄວາມສະຫງົບ. ເມື່ອລົງຢ້ຽມຢາມເກາະ ໂກໂຕ, ທ່ານປະທານປະເທດຢືນຢັນວ່າ: ໃນຍຸດທະສາດທະເລຂອງຫວຽດນາມ, ຍາມໃດ ໂກໂຕ ກໍ່ມີບົດບາດສຳຄັນ, ທະຫານ ແລະ ປະຊາຊົນໃນເກາະຕ້ອງສາມັກຄີກັນ ເພື່ອພັດທະນາເສດຖະກິດສັງຄົມ.