ປະທານປະເທດ ເຈືອງເຕີນຊາງ ຢ້ຽມຢາມກຸ່ມບໍລິສັດ ນ້ຳມັນອ້າຍແກັດແຫ່ງຊາດ
(ທ່ານປະທານປະເທດ ເຈືອງເຕີນຊາງ
ຢ້ຽມຢາມກຸ່ມບໍລິສັດນ້ຳມັນອ້າຍແກັດແຫ່ງຊາດຫວຽດນາມ)
(vovworld) - ຕອນບ່າຍວັນທີ 10/02, ເມື່ອລົງຢ້ຽມຢາມໝູ່ພະນັກງານ, ກຳມະກອນຜູ້ອອກແຮງງານຂອງກຸ່ມບໍລິສັດນ້ຳມັນອ້າຍແກັດແຫ່ງຊາດຫວຽດນາມ, ທ່ານປະທານປະເທດ ເຈືອງເຕີນຊາງ ໄດ້ຕີລາຄາສູງຜົນງານເຊິ່ງກຸ່ມບໍລິສັດນ້ຳມັນອ້າຍແກັດແຫ່ງຊາດບັນລຸໄດ້ໃນ 40 ປີຜ່ານມາ, ນຳກຸ່ມບໍລິສັດທີ່ມີຂອບຂະໜາດໃຫຍ່ ດ້ວຍຈຳນວນທຶນຂຶ້ນເຖິງ 25 ຕື້ USD, ພິເສດແມ່ນເປີດກວ້າງການຮ່ວມມືດ້ານນ້ຳມັນອາຍແກັດກັບປະເທດຕ່າງໆຢ່າງມີປະສິດທິຜົນ. ທ່ານປະທານປະເທດ ສະເໜີວ່າ ໃນປີ 2014 ກຸ່ມບໍລິສັດຄວນກວດກາການເຄື່ອນໄຫວຄືນໃໝ່, ຍູ້ແຮງການຫັນເປັນຫຸ້ນສ່ວນຢູ່ບາງຂົງເຂດ ເພື່ອສ້າງແຫຼ່ງທຶນເປີດກວ້າງການລົງທຶນ, ເຄື່ອນໄຫວຜະລິດດຳເນີນທຸລະກິດ, ໃນນັ້ນເອົາໃຈໃສ່ເຖິງການປະຕິບັດຍຸດທະສາດເສດຖະກິດທະເລເປັນຢ່າງດີ, ກໍ່ສ້າງສຳເລັດໂຄງການໂຮງງານກັນນ້ຳມັນໃຫຍ່ຢູ່ 3 ພາກແມ່ນ ງີເຊີນ (ແທງຮ໋ວາ), ຢຸງກ໋ວດ (ກວາງນາມ) ແລະ ລອງເຊີນ (ບ່າເຮືຍ - ວູງເຕົ່າ), ພ້ອມທັງເສີມຂະຫຍາຍຮູບແບບຮ່ວມມືກັບສະຫະພັນລັດເຊຍ ຢ່າງມີປະສິດທິຜົນ ແນໃສ່ເປີດກວ້າງການຮ່ວມມືຂຸດຄົ້ນນ້ຳມັນອາຍແກັດຢູ່ປະເທດອື່ນໃນໂລກ .
ປີ 2014, ກຸ່ມບໍລິສັດນ້ຳມັນອ້າຍແກັດແຫ່ງຊາດຫວຽດນາມ ສູ້ຊົນຂຸດຄົ້ນນ້ຳມັນດີບໃຫ້ໄດ້ 17 ລ້ານໂຕນ, ລາຍຮັບບັນລຸກວ່າ 670.000 ຕື້ດົງ ແລະ ສືບຕໍ່ເປີດກວ້າງການສຳຫຼວດ, ຂຸດຄົ້ນຢູ່ປະເທດຕ່າງໆໃນທະວີບຢູ່ອາຊີ, ອາຟລິກາ, ອາຟລິກາລາຕິນ.