(vovworld) - ໂດຍສືບຕໍ່ການຢ້ຽມຢາມທາງລັດຖະກິດຍີ່ປຸ່ນ, ວັນທີ 19/03, ທ່ານປະທານປະເທດຫວຽດນາມ ເຈືອງເຕີນຊາງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງຫວຽດນາມ ເດີນທາງອອກຈາກ ໂຕກຽວ ໄປຢ້ຽມຢາມນະຄອນ ໂອຊາກາ. ຢູ່ທີ່ນີ້, ທ່ານປະທານປະເທດ ໄດ້ມີບັນດາການພົບປະກັບການນຳນະຄອນ, ພົບປະກັບການນຳສະມາຄົມມິດຕະພາບຍີ່ປຸ່ນ - ຫວຽດນາມ ເຂດ ການຊາຍ ແລະ ການນຳສະມາຄົມມິດຕະພາບ ຍີ່ປຸ່ນ - ຫວຽດນາມ ຢູ່ນະຄອນຕ່າງໆຂອງຍີ່ປຸ່ນ. ພິເສດແມ່ນການໂອ້ລົມສົມທະນາລະຫວ່າງທ່ານປະທານປະເທດກັບການນຳເສດຖະກິດເຂດການຊາຍ.
ເມື່ອແລກປ່ຽນກັບການນຳເສດຖະກິດເຂດ ການຊາຍ ແລະ ກ່າວຄຳເຫັນທີ່ເວທີປາໄສວິສາຫະກິດ, ທ່ານປະທານປະເທດເນັ້ນໜັກວ່າ ຍີ່ປຸ່ນ ພວມແມ່ນນັກລົງທຶນ ແລະ ສະໜອງທຶນ ODA ຫຼາຍອັນດັບໜຶ່ງຂອງຫວຽດນາມ ແລະ ກໍ່ແມ່ນຕະຫຼາດສົ່ງອອກນຳເຂົ້າ, ດຶງດູດແຂກທ່ອງທ່ຽວ, ການຮ່ວມມືດ້ານວິທະຍາສາດເຕັກໂນໂລຊີອັນດັບໜຶ່ງຂອງຫວຽດນາມ. ຫວຽດນາມ ພວມຕັ້ງໜ້າເຂົ້າຮ່ວມວິວັດການຮ່ວມມືດ້ານເສດຖະກິດລະຫວ່າງອາຊຽນ - ຍີ່ປຸ່ນ, ອາຊຽນ +3, ສັນຍາຄູ່ຮ່ວມມືຮອບດ້ານໃນພາກພື້ນ ແລະ ພິເສດແມ່ນການເຈລະຈາສັນຍາ TPP ທີ່ພວມເປີດບັນດາກາລະໂອກາດທີ່ສະດວກກວ່າໃຫ້ແກ່ການເພີ່ມທະວີການພົວພັນຄູ່ຮ່ວມມືລະຫວ່າງຫວຽດນາມ - ຍີ່ປຸ່ນ. ທ່ານປະທານປະເທດ ປາດຖະໜາວ່າ, ບັນດາວິສາຫະກິດຍີ່ປຸ່ນ ມີຄວາມສົນໃຈເປັນພິເສດເຖິງການເພີ່ມທະວີການຮ່ວມມືໃນບັນດາຂົງເຂດຮັບບຸລິມະສິດ ໃນຍຸດທະສາດຫັນເປັນປະເທດອຸດສາຫະກຳຂອງຫວຽດນາມ. ທ່ານປະທານປະເທດ ເຈືອງເຕີນຊາງ ກ່າວວ່າ.
“ເພື່ອໃຫ້ມີຂະແໜງອຸດສາຫະກຳສຳຮອງ ເຄື່ອນໄຫວຢ່າງມີປະສິດທິຜົນ, ພວກຂ້າພະເຈົ້າຖືວ່າ ຄວນມີທິດທາງຢ່າງຈະແຈ້ງ, ພັດທະນາຢ່າງຄົບຊຸດ 4 ປັດໃຈສຳຄັນເຊິ່ງລວມມີ: ແຫລ່ງຊັບພະຍາກອນມະນຸດ, ເຕັກໂນໂລຊີ, ການເງິນ ແລະ ການເຊື່ອມຕໍ່ລະຫວ່າງບັນດາວິສາຫະກິດພາຍໃນປະເທດກັບບັນດາວິສາຫະກິດ, ກຸ່ມວິສາຫະກິດສາກົນ. ພວກຂ້າພະເຈົ້າປາດຖະໜາວ່າ ຍີ່ປຸ່ນ ຈະແມ່ນຄູ່ຮ່ວມມືຍຸດທະສາດ ແລະ ເປັນເພື່ອນມິດທີ່ໄວ້ເນື້ອເຊື່ອໃຈຂອງຫວຽດນາມ, ເພີ່ມທະວີການໜູນຊ່ວຍຫວຽດນາມ ພັດທະນາອຸດສາຫະກຳສຳຮອງ”.
ກອນໜ້ານັ້ນ, ຕອນເຊົ້າວັນທີ 19/03, ທ່ານປະທານປະເທດ ເຈືອງເຕີນຊາງ ໄດ້ໄປຢ້ຽມຢາມສະຖານທູດຫວຽດນາມ ປະຈຳຍີ່ປຸ່ນ. ທີ່ການໂອ້ລົມກັບພະນັກງານສະຖານທູດ ແລະ ຜູ້ຕ່າງໜ້າຊາວຫວຽດນາມ ອາໄສຢູ່ຍີ່ປຸ່ນ, ທ່ານປະທານປະເທດ ໄດ້ຢືນຢັນການຢ້ຽມຢາມທາງລັດຖະກິດເຖິງຍີ່ປຸ່ນ ຄັ້ງນີ້ໄດ້ຮັບຜົນສຳເລັດຢ່າງຈົບງາມ. ທ່ານປະທານປະເທດ ຮຽກຮ້ອງໃຫ້ແຕ່ລະອົງການສຳນັກງານ, ສ່ວນບຸກຄົນ ຕ້ອງມານະພະຍາຍາມກວ່າອີກເພື່ອຫັນບັນດາຂໍ້ຕົກລົງຂອງ 2 ປະເທດໃຫ້ປະກົດຜົນເປັນຈິງ. ທ່ານປະທານປະເທດ ເຈື່ອງເຕີນຊາງ ເວົ້າວ່າ.
“ແຕ່ລະຄົນ, ແຕ່ລະຂະແໜງ ແລະ ຂັ້ນຕ່າງໆ ຕ້ອງຄິດໄລ ຊັ່ງຊາຕ້ອງມີການເຄື່ອນໄຫວເພື່ອຫັນບັນດາຂໍ້ຕົກລົງໃຫ້ປະກົດຜົນເປັນຈິງ. ຕ້ອງເຮັດແນວໃດໃຫ້ແຕ່ລະການພົວພັນນັບທັງດ້ານຄຸນນະພາບ ແລະ ປະສິດທິພົນເພີ່ມຂຶ້ນຢ່າງແຮງ. ເຮັດໄດ້ສິ່ງດັ່ງກ່າວ ບໍ່ພຽງແຕ່ນຳມາເຊິ່ງຜົນປະໂຫຍດໃຫ້ສະເພາະປະເທດໜຶ່ງເທົ່ານັ້ນ ຫາກຍັງນຳມາເຊິ່ງໃຫ້ທັງຝ່າຍຫວຽດນາມ - ຍີ່ປຸ່ນ ອີກດ້ວຍ ແລະ ແທດເໝາະກັບຜົນປະໂຫຍດຂອງພາກພື້ນ ແລະ ສາກົນ, ໂດຍສະເພາະແມ່ນພາກພື້ນອາຊີ - ປາຊີຟີກ”.
ພາຍຫຼັງໄປຢ້ຽມຢາມ ໂອຊາກາ, ທ່ານປະທານປະເທດ ແລະ ພັນລະຍາ ຈະເດີນທາງອອກຈາກຍີ່ປຸ່ນ ກັບເມື່ອປະເທດ.