ປະທານປະເທດ ເຈືອງເຕີ້ນຊາງ ລົງອວຍພອນປີໃໝ່ ກຳມະກອນຢູ່ ແຂວງບາເຣັ້ຍ - ວຸ້ງເຕົາ |
(vovworld) - ເນື່ອງໃນໂອກາດປີໃຫມ່,ປີວອກ 2016, ຕອນບ່າຍວັນທີ 9/2, ທ່ານປະທານປະເທດ ຫວຽດນາມ ເຈືອງເຕີ້ນຊາງໄດ້ໄປຢ້ຽມຢາມ ແລະ ອວຍພອນປີໃໝ່ ບັນດາກຳມະກອນ, ຜູ້ອອກແຮງງານ ສັງກັດເຂດອຸດສາຫະກຳ ມີ້ຊວນ A2 ທີ່ແຂວງບາເຣັ້ຍ - ວຸ້ງເຕົາ. ຢູ່ທີ່ນີ້, ທ່ານປະທານປະເທດ ຫວຽດນາມ ເຈືອງເຕີ້ນຊາງ ໄດ້ພົບປະ ແລະ ຢື້ຢາມຖາມຂ່າວກ່ຽວກັບສະພາບການຂອງກຳມະກອນຈຳນວນໜຶ່ງສັງກັດບໍລິສັດຜະລິດໜັງ Prime Asia ຫວຽດນາມ.
ທ່ານປະທານປະເທດ ຫວຽດນາມ ເຈືອງເຕີ້ນຊາງໄດ້ສະແດງ ຄວາມເຫັນອົກ ເຫັນໃຈ ແລະ ລະດົມກໍາລັງໃຈແກ່ກຳມະກອນ. ທ່ານປະທານປະເທດ ຫວຽດນາມ ເຈືອງເຕີ້ນຊາງ ຍັງຊົມເຊີຍບັນດານັກລົງທຶນທີ່ໄດ້ໃຫ້ການກໍ່ສ້າງຫໍພັກເພື່ອຊ່ວຍກຳມະກອນສ້າງການດຳລົງຊີວິດເປັນປົກກະຕິ.