(vovworld) - ພາຍຫຼັງ 25 ປີທີ່ຜັນຂະຫຍາຍໂຄງການສັກຢາປ້ອງກັນພະຍາດເປີດກວ້າງຢ່າງສຳເລັດຜົນ, ຕອນເຊົ້າວັນທີ 19/12, ກະຊວງສາທາລະນະສຸກຫວຽດນາມ ໄດ້ຈັດຕັ້ງກອງປະຊຸມສະຫຼຸບ 25 ປີແຫ່ງການປະຕິບັດວຽກງານສັກຢາປ້ອງກັນພະຍາດເປີດກວ້າງເພື່ອສັງເກດຕີລາຄາໝາກຜົນທີ່ບັນລຸໄດ້ ແລະ ກຳນົດທິດການເຄື່ອນໄຫວໃນໄລຍະຈະມາເຖິງ. ກ່າວຄຳເຫັນທີ່ພິທີສະຫຼຸບທ່ານປະທານປະເທດ ເຈືອງເຕີນຊາງ ຖືວ່າ.
“ກອງປະຊຸມໃຫຍ່ຄັ້ງທີ 11 ຂອງພັກໄດ້ວາງອອກໜ້າທີ່ພັດທະນາພາລະກິດສາທາລະນະສຸກຢ່າງແຂງແຮງ, ຍົກສູງຄຸນນະພາບການເບິ່ງແຍງດູແລສຸຂະພາບໃຫ້ແກ່ປະຊາຊົນ ດ້ວຍເນື້ອໃນ, ເງື່ອນໄຂລະອຽດ, ຮອບດ້ານ. ໃນນັ້ນພິເສດແມ່ນເນັ້ນໜັກເຖິງການພັດທະນາການແພດປ້ອງກັນຢ່າງແຂງແຮງ, ບໍ່ປະໃຫ້ເກີດໂລກລະບາດຂະໜາດໃຫຍ່, ດ້ວຍທິດນຳກັນພະຍາກດີກວ່າປິ່ນປົວພະຍາດ. ຖ້າຫາກການປ້ອງກັນພະຍາດບໍ່ໄດ້ດີ, ແມ່ນໂລກລະບາດຈະຂະຫຍາຍຕົວ, ເກີດພະຍາດ, ສົ່ງຜົນສະທ້ອນເຖິງສຸຂະພາບ ແລະ ສິ້ນເປືອງເງິນທອງຂອງຕົນເອງ, ຄອບຄົວ ແລະ ສັງຄົມ. ສະນັ້ນ, ເຖິງວ່າບໍ່ພົ້ນເດັ່ນຄືກັບການກວດ, ປິ່ນປົວພະຍາດໂດຍກົງໃຫ້ແກ່ຄົນເຈັບ ແຕ່ຄວາມໝາຍໃນດ້ານເສດຖະກິດສັງຄົມຂອງການແພດປ້ອງກັນແມ່ນໃຫຍ່ຫຼວງທີ່ສຸດ”.