(vovworld) – ເມື່ອເຮັດວຽກກັບການນຳຫຼັກແຫຼ່ງແຂວງຫາຍຟ່ອງ ໃນວັນທີ 22/07, ທ່ານປະທານປະເທດຫວຽດນາມ ເຈືອນເຕີນຊາງ ຖືວ່າ ຫາຍຟ່ອງ ຕ້ອງຈັດຕັ້ງລະບົບໂຮງຮຽນບຳລຸງສ້າງວິຊາຊີບເປັນຢ່າງດີ ເພື່ອຍົກລະດັບແຫຼ່ງຊັບພະຍາກອນມະນຸດ, ປະກອບສ່ວນພ້ອມທັບທົ່ວປະເທດຫັນຮູບແບບເສດຖະກິດຈາກລວງກວ້າງ ໄປສູ່ລວງເລີກເທື່ອລະກ້າວ, ຮັບເອົາກະລະໂອກາດເຊື່ອມໂຍງເຂົ້າກັບສາກົນ. ກ່ຽວກັບວຽກງານກໍ່ສ້າງບັນດາກິດຈະກຳຈຸດສຸມ, ທ່ານປະທານປະເທດຖືວ່າ ຫາຍຟ່ອງ ອາດຈະຈຳໜ່າຍພັນທະບັດ ແລະ ຍາດແຍ່ງແກຼ່ງກຳລັງຫັນເປັນສັງຄົມຢ່າງສູງ, ພິເສດແມ່ນຈາກບັນດາວິສາຫະກິດພາກເອກະຊົນໃນບໍລິເວັນແຂວງ. ຫາຍຟ່ອງ ຕ້ອງສືບຕໍ່ເອົາໃຈໃສ່ຊຸກຍູ້ເສດຖະກິດທະເລໃຫ້ເຕີບໂຕ, ສ້າງເງື່ອນໄຂສະດວກເພື່ອໃຫ້ບັນດາທ້ອງຖິ່ນຄື ເມືອງເກາະ ແບກລອງວິ້ ປະຕິບັດພາລະໜ້າທີ່ຮັບໃຊ້ການປະກອບອາຊີບຫາປາ, ສູນກູ້ໄພກູ້ຊີບເປັນຢ່າງດີ.
ກ່ອນໜ້ານັ້ນ, ທ່ານປະທານປະເທດ ພ້ອມກັບຄະນະປະຕິບັດງານໄດ້ລົງຢ້ຽມຢາມ, ມອບຂອງຂວັນໃຫ້ພະນັກງານ, ນັກຮົບກອງບັນຊາການກອງທັບເຮືອ. ທ່ານປະທານປະເທດຖືວ່າ ໃນສະພາບປະເທດຊາດຄືປະຈຸບັນ, ການເຄື່ອນໄຫວປົກປັກຮັກສາອະທິປະໄຕ ໄດ້ວາງອອກບັນດາໜ້າທີ່ອັນໜັກໜ່ວງ, ພະນັກງານ, ນັກຮົບກອງທັບເຮືອຫວຽດນາມ ຕ້ອງຢືນຢັນບົດບາດເປັນແກ່ນສານໃນການປົກປັກຮັກສາອະທິປະໄຕເຂດທະເລ, ໝູ່ເກາະ, ໄຫຼ່ທະວີບຂອງປະເທດຊາດ. ທ່ານປະທານປະເທດ ສະເໜີວ່າ ກອງທັບເຮືອຫວຽດນາມ ພະຍາຍາມກໍ່ສ້າງກຳລັງ, ປະຕິບັດໜ້າທີ່ປົກປັກຮັກສາອະທິປະໄຕປະເທດຊາດເປັນຢ່າງດີ, ເປັນບ່ອນອີງທີ່ໄວ້ເນື້ອເຊື່ອໃຈ, ໝັ້ນຄົງໃຫ້ແກ່ບັນດາການເຄື່ອນໄຫວເສດຖະກິດທະເລ.