ປະທານປະເທດເຈືອງເຕີນຊາງເຂົ້າຮ່ວມກອງປະຊຸມ
ຮັບເອົາຄຳເຫັນເຂົ້າໃນຍຸດທະສາດປະຕູຮູບດ້ານຕຸລາການ
(vovworld) – ຕອນເຊົ້າວັນທີ 9/12, ຢູ່ນະຄອນ ໂຮ່ຈີມິນ, ຄະນະຊີ້ນຳປະຕິຮູບດ້ານຕຸລາການສູນກາງໄດ້ຈັດຕັ້ງກອງປະຊຸມເຂດບັນດາແຂວງພາກໃຕ້ ຮັບເອົາຄຳເຫັນປະກອບໃສ່ຮ່າງບົດລາຍງານສະຫລຸບ 8 ປີແຫ່ງການປະຕິບັດຍຸດທະສາດປະຕິຮູບດ້ານຕຸລາການ. ບັນດາຜູ້ແທນປຶກສາຫາລືບັນດາຫົວຂໍ້ສະເພາະກ່ຽວກັບການຈັດຕັ້ງລະບົບສານຈາກສູນກາງລົງຮອດທ້ອງຖິ່ນ ແລະ ປ່ຽນໃໝ່ຍົກສູງຄຸນນະພາບໂຕ້ຄວາມຢູ່ສານ, ຮູບແບບຈັດຕັ້ງອົງການສືບສວນ, ໃນການພົວພັນກັບບັນດາອົງການອື່ນ ແລະ ບົດບາດຂອງໄອຍະການປະຊາຊົນໃນການກວດກາການເຄື່ອນໄຫວພິພາກສາ. ກ່າວຄຳເຫັນຊີ້ນຳກອງປະຊຸມ, ທ່ານປະທານປະເທດ ເຈືອງເຕີນຊາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ, ຊີ້ແຈ້ງວ່າ:
“ການປະຕິບັດຍຸດທະສາດມີຄວາມໝາຍສຳຄັນພິເສດ, ສ້າງບາດລ້ຽວໃຫ້ແກ່ພື້ນຖານຕຸລາການຂອງປະເທດຊາດ, ຈຸດໝາຍລວມແມ່ນສ້າງພື້ນຖານຕຸລາການປອດໄສ, ໝັ້ນຄົງເຂັ້ມແຂງ, ປະຊາທິປະໄຕ, ເຂັ້ມງວດ, ປົກປ້ອງຄວາມຍຸຕິທຳ, ທັນສະໄໝເພື່ອຮັບໃຊ້ປະຊາຊົນເທື່ອລະກ້າວ, ຮັບໃຊ້ປະເທດສັງຄົມນິຍົມ ຫວຽດນາມ. ນີ້ແມ່ນໜຶ່ງໃນບັນດາຄຳຮຽກຮ້ອງພື້ນຖານໃນການສ້າງລັດແຫ່ງອຳນາດນິຕິບັນຍັດສັງຄົມນິຍົມ ຫວຽດນາມ ເຊິ່ງພວມເຮົາໄດ້, ພວມ ແລະ ຈະກໍ່ສ້າງ.”