ຕອນເຊົ້າວັນທີ 29/1 ແມ່ນກົງກັບວັນທີ 7 ຂອງບຸນເຕັດ, ທ່ານປະທານປະເທດ ເຈືອງເຕີນຊາງ ໄດ້ເຂົ້າຮ່ວມງານບຸນໄຖນາ ດ້ອຍເຊີນ 2012 ຢູ່ເມືອງ ຢູຍຕຽນ ແຂວງ ຮ່ານາມ. ງານບຸນນີ້ ມີຄວາມໝາຍແມ່ນເປີດສາກໃຫ້ປີແຫ່ງການອອກແຮງງານ ດິນຟ້າອາກາດເອື້ອອຳນວຍຄວາມສະດວກ, ລະດູການເກັບກ່ຽວໄດ້ຮັບຜົນດີ, ທຸກຄອບຄົວມີຄວາມອີ່ມໜຳສຳລານ. ກ່າວຄຳເຫັນໄຂງານບຸນ, ທ່ານປະທານປະເທດເຈືອງເຕີນຊາງ ໄດ້ເນັ້ນຫນັກວ່າ: ປະຫວັດສາດຫວຽດນາມ ຜ່ານບັນດາໄລຍະໄດ້ພິສູດໃຫ້ເຫັນວ່າ ບໍ່ວ່າຢູ່ໃນສະພາບການໃດ, ກະສິກຳ, ຊາວກະສິກອນ ແລະ ຊົນນະບົດ ຍັງຄົງແມ່ນພື້ນຖານຢ່າງໝັ້ນແກ່ນ ແມ່ນພື້ນຖານໃຫ້ແກ່ການພັດທະນາດ້ານເສດຖະກິດ, ການເມືອງ, ສັງຄົມຂອງປະເທດຊາດ. ໃນວິວັດການສ້າງສາປະເທດຊາດປະຈຸບັນ, ທ່ານປະທານປະເທດຖືວ່າ: ມະຕິກອງປະຊຸມຄັ້ງທີ 7 ຄະນະບໍລິຫານງານສູນກາງພັກຊຸດທີ 10 ກ່ຽວກັບການພັດທະນາກະສິກຳ ຊາວກະສິກອນ ແລະ ຊົນນະບົດໄດ້ກ້າວເຂົ້າສູ່ຊີວິດ. ພາລະກິດຫັນເປັນອຸດສາຫະກຳ ແລະ ທັນສະໄໝ ແມ່ນຂຶ້ນກັບການພັດທະນາຂອງແນວໂຮມກະສິກຳຢ່າງຫລວງຫລາຍ. ທ່ານປະທານປະເທດ ເຈືອງເຕີນຊາງເວົ້າວ່າ:
“ມະຕິກອງປະຊຸມຄັ້ງທີ 7 ຄະນະບໍລິຫານງານສູນກາງພັກຊຸດທີ 10 ກ່ຽວກັບການພັດທະນາກະສິກຳ ຊາວກະສິກອນ ແລະ ຊົນນະບົດໄດ້ກ້າວເຂົ້າສູ່ຊີວິດ. ໃນສະພາບການເຊື່ອມໂຍງເຂົ້າກັບເສດຖະກິດສາກົນ ເມື່ອມວນມະນຸດຢືນຢູ່ຕໍ່ຫນ້າບັນດາສິ່ງທ້າທາຍໃຫຍ່, ບັນຫາຄ້ຳປະກັນດ້ານສະບຽງອາຫານນັບມື້ນັບໄດ້ຮັບຄວາມເອົາໃຈໃສ່ເປັນພິເສດ. ພາລະກິດຫັນເປັນອຸດສາຫະກຳ ແລະ ທັນສະໄໝ ແມ່ນຂຶ້ນກັບການພັດທະນາຂອງແນວໂຮມກະສິກຳຢ່າງຫລວງຫລາຍ.ງານບຸນນີ້ ມີຄວາມໝາຍສຳຄັນຍິ່ງ, ບໍ່ພຽງແຕ່ໃຫ້ພວກເຮົາທົບທວນຄືນມູນເຊື້ອວັດທະນະທຳປະຫວັດສາດຂອງຊາດຫວຽດນາມ, ຂອງກະສິກຳຫວຽດນາມ ເທົ່ານັ້ນ ຫາກຍັງສຶກສາມູນເຊື້ອມັກການອອກແຮງງານຢູ່ໃນເຂດດິນແດນບ້ານເກີດເມືອງນອນຂອງຕົນອີກດ້ວຍ ເພື່ອສ້າງສາ ແລະ ປົກປັກຮັກສາປະເທດຊາດ.”
ແລະກໍໃນຕອນເຊົ້າວັນດຽວກັນ ຢູ່ ຕາແສງ ບີ່ງດົງ ເມືອງກີມເຊີນ ແຂວງ ນີງບີ່ງ, ທ່ານປະທານປະເທດ ເຈືອງເຕີນຊາງ ໄດ້ເຂົ້າຮ່ວມພິທີປຸກລະດົມບຸນເຕັດປູກຕົ້ນໄມ້. ນະທີ່ນີ້ ທ່ານປະທານປະເທດ ໄດ້ຢ້ຳຄືນຄຳສັ່ງສອນຂອງລຸງໂຮ່ທ່ີວ່າ: ລະດູບານໃຫມ່ແມ່ນບຸນເຕັດປູກຕົ້ນໄມ້, ເຮັດໃຫ້ປະເທດຊາດນັບມື້ນັບພັດທະນາ. ພາຍໃຕ້ຫົວຂໍ້ວ່າ: ປູກຕົ້ນໄມ້ເພື່ອບັນເທົາໄພທຳມະຊາດ, ທ່ານປະທານປະເທດເນັ້ນຫນັກວ່າ: ການປ່ຽນແປງຂອງດິນຟ້າອາກາດໃນທົ່ວໂລກ ແລະ ນ້ຳທະເລເພີ່ມຂຶ້ນພວມນາບຂູ່ເຖິງຊີວິດການເປັນຢູ່ຂອງຫວຽດນາມ, ສະນັ້ນ ເພື່ອພັດທະນາເສດຖະກິດແບບຍື່ນຍົງ ຕ້ອງໄປຄຽງຄູ່ກັບການປົກປັກຮັກສາສິ່ງແວດລ້ອມ, ປູກຕົ້ນໄມ້ນັບມື້ນັບມີຄວາມໝາຍຍຸດທະສາດທີ່ສຳຄັນຍິ່ງ./.