(vovworld) - ຕອນເຊົ້າວັນທີ 21/2, ຢູ່ຮ່າໂນ້ຍ, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ໃຫ້ການຕ້ອນຮັບບັນດາເອກອັກຄະລັດຖະທູດ Urugoay, Indonesia, Boolivia, Mianma, Braxin ແລະ Litva ເຂົ້າຍືນສານຕາຕັ້ງເນື່ອງໃນໂອກາດມາຮັບໜ້າທີ່ການທູດໃໝ່ຢູ່ຫວຽດນາມ. ທີ່ການຕ້ອນຮັບເອກອັກຄະລັດຖະທູດ ສ. Urugoay ທ່ານ Carlos Maria Irigaray Santana, ທ່ານປະທານປະເທດ ເຈືອງເຕີນຊາງ ຢືນຢັນວ່າ: ຫວຽດນາມພ້ອມແລ້ວທີ່ຈະສ້າງເງື່ອນໄຂດີສຸດທີ່ໃຫ້ແກ່ທ່ານເອກອັກຄະລັດຖະທູດເພື່ອສຳເລັດໜ້າທີ່ການທູດຢູ່ຫວຽດນາມ. ທ່ານປະທານປະເທດ ເຈືອງເຕີນຊາງ ສະແດງຄວາມເຊື່ອໝັ້ນວ່າ: ດ້ວຍມູນເຊື້ອການພົວພັນຮ່ວມມືມິດຕະພາບຈະເປັນພື້ນຖານສຳຄັນເພື່ອພັດທະນາສາຍພົວພັນຮ່ວມມືລະຫວ່າງ 2 ປະເທດໃນໄລຍະປະຈຸບັນໃນທຸກໆຂົງເຂດຍິ່ງກ່ວາອີກ. ທ່ານເອກອັກຄະລັດຖະທູດ Carlos Maria Irigaray Santana ຫວັງວ່າ 2 ປະເທດຈະສືບຕໍ່ຊຸກຍູ້ການພົວພັນມິດຕະພາບໃນບັນດາຂົງເຂດການເມືອງ, ວັດທະນະທຳ, ສືກສາ ແລະ ກະສິກຳ - ປ່າໄມ້.
ໃນການຕ້ອນຮັບທ່ານເອກອັກຄະລັດຖະທູດ Indonesia Mayerfas, ທ່ານປະທານປະເທດ ເຈືອງເຕີນຊາງ ຕີລາຄາສູງສາຍພົວພັນອັນດີງາມລະຫວ່າງ 2 ປະເທດ, ພິເສດແມ່ນຜ່ານບັນດາການຢ້ຽມຢາມຂັ້ນສູງເປັນປະຈຳ, ໄດ້ເພີ່ມທະວີການພົວພັນຮ່ວມມືມິດຕະພາບລະຫວ່າງ 2 ປະເທດໃນກຸ່ມອາຊຽນ. ພິເສດຫວຽດນາມ ແລະ Indonesia ພວມມຸ້ງໄປເຖິງການສ້າງສາຍພົວພັນຄູ່ຮ່ວມມືຍຸດທະສາດ ນັ້ນຈະແມ່ນເງື່ອນໄຂສຳຄັນເພື່ອແນໃສ່ຊຸກຍູ້ການພັດທະນາທາງດ້ານເສດຖະກິດ - ການຄ້າລະຫວ່າງ 2 ປະເທດ ແລະ ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສພາກພື້ນ ແລະ ໂລກ. ທ່ານເອກອັກຄະລັດຖະທູດ Mayerfas ສະແດງຄວາມຫວັງປະຕິບັດໜ້າທີ່ສຳຄັນຊຸກຍູ້ການພົວພັນ 2 ຝ່າຍສຳເລັດຜົນ, ຮ່ວມມືໃນຂົງເຂດອາຊຽນ ແລະ ໃນໂລກ ສຳເລັດຜົນ.
ໂດຍມີຄວາມເປັນກຽດມາຮັບໜ້າທີ່ການທູດຢູ່ຫວຽດນາມ, ທ່ານເອກອັກຄະລັດຖະທູດ Mianma Thet U ເນັ້ນໜັກວ່າ: ຈະເຮັດຈົນສຸດຄວາມສາມາດໃນການປະຕິບັດງານຢູ່ຫວຽດນາມ, ພ້ອມກັນນັ້ນກໍຢາກໄດ້ຮັບການຊ່ວຍເຫຼືອຈາກລັດຖະບານ ແລະ ບັນດາກະຊວງ, ຂະແໜງການຂອງຫວຽດນາມ ເພື່ອຊຸກຍູ້ສາຍພົວພັນລະຫວ່າງ 2 ປະເທດຍິ່ງກ່ວາອີກ, ພິເສດແມ່ນທາງດ້ານການເມືອງ ແລະ ການຮ່ວມມືດ້ານເສດຖະກິດ - ການຄ້າ. ທ່ານປະທານປະເທດ ເຈືອງເຕີນຊາງ ຢືນຢັນວ່າ: ຫວຽດນາມຍາມໃດກໍ່ເປັນເພື່ອມິດທີ່ຈົ່ງຮັກພັກດີ, ພ້ອມແລ້ວທີ່ສະໜັບສະໜູນ Mianma, ແລະ ປາດຖະໜາວ່າ Mianma ພັດທະນາແບບຍືນຍົງ.
ໃນການຕ້ອນຮັບທ່ານນາງ Victoria Alice Clearver ເອກອັກຄະລັດຖະທູດ Braxin, ທ່ານປະທານປະເທດ ຢືນຢັນວ່າ: ຫວຽດນາມພ້ອມແລ້ວທີ່ສະໜັບສະໜູນ Braxin ກາຍເປັນກຳມະການປະຈຳການຂອງສະພາຄວາມໝັ້ນຄົງສະຫະປະຊາຊາດເມື່ອເປີດກ້ວາງ. ທ່ານປະທານປະເທດຖືວ່າ: ຄວາມສາມາດບົ່ມຊ້ອນພັດທະນາຂອງ 2 ປະເທດແມ່ນໃຫຍ່ຫຼວງ, ອາດຈະເປີດກ້ວາງການຮ່ວມມືດ້ານເສດຖະກິດການຄ້າລະຫວ່າງ 2 ປະເທດ ແລະ 2 ພາກພື້ນອາຊຽນ ແລະ ອາເມລິກາໃຕ້. ທ່ານນາງເອກອັກຄະລັດຖະທູດ Victoria Alice Clearver ເຊື່ອໝັ້ນຈະປະຕິບັດສຳເລັດໜ້າທີ່ຊຸກຍູ້ສາຍພົວພັນລະຫວ່າງ 2 ປະເທດກ້າວເຂົ້າສູ່ລວງເລິກ ແລະ ຂຶ້ນສູ່ລະດັບສູງໃໝ່.
ໃນການຕ້ອນຮັບທ່ານເອກອັກຄະລັດຖະທູດ Boolivia Gullermo Chalup Liendo, ແລະ ເອກອັກຄະລັດຖະທູດ ສ. Litva Lina Antanavicinene, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ສາຍພົວພັນອັນເປັນມູນເຊື້ອ, ມິດຕະພາບລະຫວ່າງ 2 ປະເທດຈະນັບມືນັບພັດທະນາ ແລະ ເຊື້ອໝັ້ນວ່າດ້ວຍການພົວພັນທາງການເມືອງອັນດີງາມນັ້ນອາດຈະມຸ້ງໄປເຖິງການເຊັນບັນດາສັນຍາຮ່ວມມືດ້ານເສດຖະກິດ ເພື່ອຊຸກຍູ້ການພົວພັນໃນທຸກຂົງເຂດລະຫວ່າງ 2 ປະເທດຍິ່ງກ່ວາອີກ.