ປະທານປະເທດ ເຈືອງເຕີ້ນຊາງລົງພົບປະກັບຜູ້ມີສິດເລືອກຕັ້ງນະຄອນໂຮ່ຈິມິນ
່ທານປະທານປະເທດຫວຽດນາມເຈືອງເຕີ້ນຊາງລົງພົບປະ
ກັບຜູ້ມີສິດເລືອກຕັ້ງ ນະຄອນໂຮ່ຈິມິນ
|
(vovworld)- ວັນທີ 14/10, ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ລົງພົບປະກັບຜູ້ມີສິດເລືອກຕັ້ງຢູ່ເມືອງ 1 ແລະ ເມືອງ 3 ກ່ອນທີ່ດຳເນີນກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມຊຸດທີ 13. ທີ່ການພົບປະ, ຜູ້ມີສິດເລືອກຕັ້ງໄດ້ຊົມເຊີຍ ກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມຊຸດທີ 13 ຈະປຶກສາຫາລືບັນດາເນື້ອໃນທີ່ສຳຄັນໃຫ້ແກ່ການສ້າງກົງຈັກລັດໃຫ້ສົມບູນແບບ ແລະ ຕີລາຄາສະພາບເສດຖະກິດສັງຄົມແນໃສ່ຊອກຫາວິທີການພັດທະນາໃຫ້ຊຸມປີຕໍ່ໆໄປ.
ເມື່ອແລກປ່ຽນກັບ ຜູ້ມີສິດເລືອກຕັ້ງກ່ຽວກັບ ສະພາບການພັດທະນາ ເສດຖະກິດສັງຄົມ, ທ່ານປະທານປະເທດຫວຽດນາມ ເຈືອງເຕີ້ນຊາງ ເນັ້ນໜັກວ່າ ພັກ, ລັດພວມຕັດສິນໃຈສ້າງໂຄງປະກອບພື້ນຖານເສດຖະກິດຄືນໃໝ່, ປ່ຽນໃໝ່ຮູບແບບການເຕີບໂຕ. ສຳລັບການຕ້ານໄພສໍ້ລາດບັງຫຼວງ, ທ່ານປະທານປະເທດຫວຽດນາມ ເຈືອງເຕີ້ນຊາງ ຢືນຢັນວ່າ : ວຽກງານນີ້ ຍາມໃດກໍແມ່ນໜ້າທີ່ສຳຄັນພິເສດ, ແຕ່ໝາກຜົນທີ່ບັນລຸໄດ້ ແມ່ນຍັງບໍ່ສາມາດຕອບສະໜອງຕາມຄວາມຕ້ອງການທີ່ວາງອອກ, ຕ້ອງປະຕິບັດໃຫ້ດີກວ່າເກົ່າ.