ປະທານປະເທດ ໄປອວຍພອນປີໃໝ່ພໍ່ແມ່ ປະຊາຊົນ, ນັກຮົບຢູ່ ແຂວງລາວກາຍ
ທ່ານປະທານປະເທດ ເຈືອງເຕີນຊາງ
ອວຍພອນພະນັກງານປ້ອງກັນຊາຍແດນ
(ພາບ: baolaocai.vn)
(vovworld) – ຄໍ່າຄືນວັນທີ 02/02 ແລະ ຕອນເຊົ້າວັນທີ 03/02, ທ່ານປະທານປະເທດ ເຈືອງເຕີນຊາງ ໄດ້ໄປຢ້ຽມຢາມ ແລະ ອວຍພອນພະນັກງານປ້ອງກັນຊາຍແດນ ແລະ ປະຊາຊົນບັນດາເຜົ່າພວມດຳລົງຊີວິດຢູ່ເຂດຊາຍແດນແຂວງລາວກາຍ.
ຕອນເຊົ້າວັນທີ 03/02, ເມື່ອມາຢ້ຽມຢາມ ແລະ ອວຍພອນປີໃໝ່ປະຊາຊົນບັນດາເຜົ່າຢູ່ຕາແສງ ບານກວາ, ເມືອງ ບ໋າດຊາດ. ທ່ານປະທານປະເທດ ໄດ້ອວຍພອນອົງຄະນະພັກ, ອຳນາດການປົກຄອງ ແລະ ພໍ່ແມ່ປະຊາຊົນບັນດາເຜົ່າໃນຕາແສງໄດ້ຕ້ອນຮັບບຸນປີໃໝ່ຢ່າງອົບອຸ່ນ, ມີຄວາມຜາສຸກ ແລະ ປີໃໝ່ຍາດໄດ້ໄຊຊະນະໃໝ່ຫຼາຍຢ່າງ ໃນການພັດທະນາເສດຖະກິດສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບຢູ່ເຂດຊາຍແດນ.
ກ່ອນໜ້ານັ້ນ, ທ່ານປະທານປະເທດໄດ້ໄປອວຍພອນປີໃໝ່ພະນັກງານບັນດານັກຮົບປ້ອມປ້ອງກັນຊາຍແດນເຂດດ່ານຊາຍແດນສາກົນ ລາວກາຍ, ປ້ອມປ້ອງກັນຊາຍແດນ ບ໋າດຊາດ. ທ່ານປະທານປະເທດສະເໜີໃຫ້ທະຫານປ້ອງກັນຊາຍແດນລາວກາຍ ເສີມຂະຫຍາຍບັນດາຜົນງານທີ່ມີຢູ່ແລ້ວໃນໄລຍະຜ່ານມາ, ປະຕິບັດໜ້າທີ່ທີ່ໄດ້ຮັບມອບໝາຍເປັນຢ່າງດີ, ສົມທົບກັບບັນດາກຳລັງກ່ຽວຂ້ອງເພີ່ມທະວີມາດຕະການຮັບປະກັນໃຫ້ດ່ານຊາຍແດນສາກົນລາວກາຍ ເຄື່ອນໄຫວຢ່າງມີປະສິດທິຜົນ, ສືບຕໍ່ສ້າງເສັ້ນຊາຍແດນສັນຕິພາບ, ມິດຕະພາບ.
ເມື່ອຢ້ຽມຢາມພະນັກງານ, ລັດຖະກອນອົງການໄອຍະການປະຊາຊົນແຂວງ ແລະ ສານປະຊາຊົນແຂວງ, ທ່ານປະທານປະເທດ ເນັ້ນໜັກວ່າ: ລັດຖະທຳມະນູນປີ 2013 ໄດ້ເປີດກວ້າງຫຼາຍສິດໃຫ້ອົງການຕຸລາການ, ສະນັ້ນ, ໃນໄລຍະຈະມາເຖິງ ໜ້າທີ່ຂອງລະບົບໄອຍະການ, ສານ ຈາກຂັ້ນສູນກາງລົງຮອດທ້ອງຖິ່ນຕ້ອງໄດ້ຮັບການຍົກສູງຄຸນນະພາບການເຄື່ອນໄຫວພິພາກສາ, ຮັບປະກັນລັກສະນະກະແຈ່ງແຈ້ງ, ຖືກຕາມກົດໝາຍ.