ປະທານປະເທດຕ້ອນຮັບບັນດາຫົວໜ້າຄະນະຜູ້ແທນເຂົ້າຮ່ວມກອງປະຊຸມລັດຖະມົນຕີພັດທະນາແຫຼ່ງຊັບພະຍາກອນມະນຸດAPEC
ປະທານປະເທດຕ້ອນຮັບບັນດາຫົວໜ້າຄະນະຜູ້ແທນເຂົ້າຮ່ວມກອງປະຊຸມລັດຖະມົນຕີພັດທະນາແຫຼ່ງຊັບພະຍາກອນມະນຸດAPEC
(ພາບ: Nguyễn Khang/TTXVN)
(vovworld) – ທີ່ການຕ້ອນຮັບບັນດາຜູ້ແທນເຂົ້າຮ່ວມກອງປະຊຸມລັດຖະມົນຕີພັດທະນາແຫຼ່ງຊັບພະຍາກອນມະນຸດ APEC ຄັ້ງທີ 6 ໃນຕອນບ່າຍວັນທີ 6/9, ທ່ານປະທານປະເທດ ເຈືອງເຕີນຊາງ ໄດ້ສະແດງຄວາມພາກພູມໃຈຕໍ່ໜ້າບັນດາຜົນສຳເລັດຂອງກອງປະຊຸມ, ພ້ອມທັງຕີລາຄາສູງບັນດາຂໍ້ລິເລີ່ມ, ຖະແຫຼງການຮ່ວມ ແລະ ໂຄງການເຄື່ອນໄຫວທີ່ບັນດາຜູ້ແທນໄດ້ເຫັນດີເປັນເອກະພາບຮັບຮອງເອົາ. ແບ່ງປັນບັນດາຜົນງານທີ່ບັນລຸໄດ້ພາຍຫຼັງເກືອບ 30 ປີແຫ່ງການປ່ຽນໃໝ່, ທ່ານປະທານປະເທດ ຖືວ່າ: ຫວຽດນາມ ໄດ້ກຳນົດແຫຼ່ງຊັບພະຍາກອນມະນຸດຄຸນນະພາບສູງແມ່ນໜຶ່ງໃນບັນດາຂອດບຸກທະລຸຍຸດທະສາດ, ຮັບໃຊ້ການຍູ້ແຮງຫັນເປັນອຸດສາຫະກຳ, ທັນສະໄໝ ແລະ ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ. ພິເສດ, ໃນໄລຍະ 16 ປີເຂົ້າຮ່ວມ APEC, ຍາມໃດ ຫວຽດນາມກໍ່ແມ່ນໜຶ່ງໃນບັນດາປະເທດສະມາຊິກເປັນເຈົ້າການທີ່ມີຄວາມຮັບຜິດຊອບ, ພ້ອມກັບບັນດາປະເທດສະມາຊິກຊຸກຍູ້ບັນດາບຸລິມະສິດໃນການຮ່ວມມືຢ່າງແທດຈິງ, ພິເສດແມ່ນຂົງເຂດພັດທະນາແຫຼ່ງຊັບພະຍາກອນມະນຸດ. ທ່ານປະທານປະເທດ ຫວັງວ່າ: APEC ຈະສືບຕໍ່ເສີມຂະຫຍາຍບົດບາດເປັນກຳລັງໜູນຂອງການເຕີບໂຕ ແລະ ເຊື່ອມຕໍ່ເສດຖະກິດທົ່ວໂລກ, ບັນດາພື້ນຖານເສດຖະກິດສະມາຊິກ APEC ຈະສືບຕໍ່ສະໜັບສະໜູນ ຫວຽດນາມ ປະຕິບັດສຳເລັດນະໂຍບາຍເຊື່ອມໂຍງເຂົ້າກັບສາກົນຮອບດ້ານໃນຊຸມປີຕໍ່ໄປ.