(vovworld) - ວັນທີ 8/12, ຢູ່ນະຄອນຮ່າຢາງ, ໄດ້ດຳເນີນພິທີຜັນຂະຫຍາຍລາຍການ “ຮ່ວມແຮງຮ່ວມໃຈເພື່ອປະຊາຄົມ - ມອບງົວພັນຊ່ວຍເຫຼືອຄົນທຸກຍາກຢູ່ເຂດຊາຍແດນ“, ໂດຍທ່ານປະທານປະເທດ ເຈືອງເຕິ໋ນຊາງປຸກລະດົມ. ຄະນະຊີ້ນຳລາຍການຢູ່ແຂວງຮ່າຢາງ ຄາດວ່າຮອດວັນທີ 20/12/2014 ຈະມອບງົວພັນ 629 ໂຕ, ແຕ່ລະໂຕມີມູນຄ່າ 15 ລ້ານດົ່ງ ແລະ ຂອງຂວັນຂອງທ່ານປະທານປະເທດໃຫ້ບັນດາຄອບຄົວທຸກຍາກຢູ່ 34 ຕາແສງໃນເຂດຊາຍແດນທີ່ຂຶ້ນກັບເມືອງ: ດົ່ງວັນ, ແມ່ວວາກ, ອຽນມິງ, ກວາງບ້າ, ວິຊວຽນ, ຮ່ວາງຊູຟີ່, ຊິ໋ນເມິ່ນ. ກ່ອນນັ້ນ, ເດືອນ 11/2014, ງົວພັນ 50 ໂຕທຳອິດໄດ້ຖືກມອບໃຫ້ 50 ຄອບຄົວທີ່ທຸກຍາກຢູ່ເມືອງແມ່ວວາກ, ແຂວງຮ່າຢາງ.